መስከረም 08 ቀን 2019ዓ.ም.(መናኸሪያ ሬዲዮ) የማንቸስተር ሲቲው ዋና አሰልጣኝ ኤንዞ ማሬስካ እሁድ ዕለት በኦልድ ትራፎርድ ማንቸስተር ዩናይትድን 1-0 ባሸነፉበት የደርቢ ጨዋታ ላይ በኤርሊንግ ሀላንድ ብቸኛ ጎል ታግዘው 199ኛውን የማንቹሪያን ደርቢ በድል መወጣታቸው የሚታወስ ነው። ታዲያ በጎሉ ዙሪያ የተነሳውን የVAR ውዝግብ አስመልክተው የሰጡት ምላሽ የእግር ኳስ አፍቃሪዎችን ትኩረት ስቧል። የዳኞች የበላይ አካል PGMOL በጨዋታው ወቅት የVAR ዳኞች ኤንዞ ፈርናንዴዝ በኦፍሳይድ ስፍራ ሆኖ እንቅስቃሴ በማድረጉ የሀላንድ ግብ መሻር ነበረበት በማለት ለዩናይትድ ይቅርታ መጠየቃቸውን ተከትሎ፣ ማሬስካ ጋዜጣዊ መግለጫ በሰጡበት ወቅት ጠንካራ አስተያየት ሰጥተዋል። ማሬስካ በ2023 በኦልድ ትራፎርድ ሲቲ 2-1 በተረታበት ጨዋታ ማርከስ ራሽፎርድ በግልጽ ኦፍሳይድ ላይ ሆኖ ኳሱን ሳይነካ በመሮጡ የብሩኖ ፈርናንዴዝ ግብ መጽደቁን በማስታወስ ነው “እኛም ከሶስት ዓመት በፊት ለተቆጠረብን መደበኛ ያልሆነ ግብ እስከዛሬ የPGMOLን ይቅርታ እየጠበቅን ነው” ሲሉ ምላሽ የሰጡት ኤንዞ ማሬስካ በጊዜው አሰልጣኝየነበሩት የአሰልጣኝ ፔፕ ጋርዲዮላ ምክትል በመሆን ይሰራ እንደነበር ይታወቃል። በተጨማሪም ማሬስካ ቡድናቸው ፊል ፎደን በ23ኛው ደቂቃ በቀይ ካርድ ከወጣበት በኋላ ለ70 ደቂቃዎች ያህል በ10 ተጫዋች ተከላክሎ እና ተፋልሞ ያመጣውን አስደናቂ ድል ትቶ፣ ትኩረቱን በሙሉ በአንድ የVAR ውሳኔ ላይ ማድረግ “ደካማ አመለካከት” ነው ሲሉ ተናግረዋል። በኳስ ጨዋታ የውሳኔ ስህተቶች አንዳንዴ ወደ አንተ አንዳንዴ ደግሞ በተቃራኒ ቡድን ጸጋ ይዘው ሊመጡ እንደሚችሉና ዳኞች በሰከንዶች ውስጥ ውሳኔ መስጠት ስላለባቸው ስህተት ተፈጥሯዊ መሆኑን አክለው ገልጸዋል። ማንቸስተር ሲቲ አሰልጣኝ ኤንዞ ማሬስካን የቡድኑ ዋና አሰልጣኝ አድርጎ ከሾመ በኋላ በዚህ የውድድር ዘመን አስደናቂ ጅማሮን በማሳየት ሁሉንም ጨዋታዎች በድል በመወጣት የእንግሊዝ ፕሪሚየር ሊግን በጎል ክፍያ እየመራ ይገኛል። የማንቸስተር ሲቲው አሰልጣኝ ኤንዞ ማሬስካ አያይዘው በኮሚኒቲ ሺልድ ጨዋታ ወቅት ባጋጠመው የባት ጉዳት ምክንያት ከሜዳ ርቆ የቆየው የ24 ዓመቱ ቤልጂየማዊ የክንፍ አጥቂ ዠሬሚ ዶኩ (Jeremy Doku) ወደ ሙሉ አካላዊ ብቃት ተመልሶ ለጨዋታ ዝግጁ ለመሆን በጣም መቃረቡን ተናግረዋል። አሰልጣኝ ማሬስካ ስለ ተጫዋቹ አጠቃላይ ሁኔታ ሲናገሩ “ዶኩ ወደ ስብስቡ ለመመለስ በጣም ተቃርቧል፤ በዚህም ደስተኞች ነን፤ ተጫዋቹ ለቡድናችን ዘርፈ-ብዙ ጠቀሜታ ያለው ተጫዋች ነው” ሲሉ ገልጸውታል። ___ ሀሳብ እና‘ሳ‘ፍራለን
ምላሽ ይስጡ