አዲስ የተመረጡም ሆኑ ነባር የሕዝብ እንደራሴዎች የሕዝቡን ጥያቄ በሚገባ ማንጸባረቅ እንዳለባቸው ተገለጸ

መስከረም 08 ቀን 2019ዓ.ም.(መናኸሪያ ሬዲዮ) 7ኛውን ሀገር አቀፍ ምርጫ ማሸነፉን ተከትሎ ብልጽግና ፓርቲ በያዝነው ወር መጨረሻ አዲስ መንግሥት እንደሚመሰርት ይታወቃል። ይህንን ተከትሎም ምክር ቤቶቹ በየደረጃው ሲመሰረቱ እና ሥራ ሲጀምሩ የሕዝቡን ጥያቄ በሚገባ ማስተናገድ እንዳለባቸው ተጠቁሟል። በደቡብ ምዕራብ ኢትዮጵያ የምዕራብ ኦሞ ዞን የብልፅግና ፓርቲ ጽሕፈት ቤት ኃላፊ አቶ በድሉ መአዛ ለአዲስ እና ነባር የምክር ቤት አባላት በዚሁ ጉዳይ ዙሪያ ሥልጠና መሰጠቱን እና ለሕዝቡ ጥያቄ ምላሽ እንዲያገኝ ቅድሚያ እንዲሰጡ መደረጉን ለመናኸሪያ ሬዲዮ ተናግረዋል። ከመንግሥት ምስረታው በፊት ሀገራዊ ምክክር መካሄዱ በራሱ የሕዝቡን ለዘመናት የተከማቹ ችግሮች ለመለየት ትልቅ አስተዋጽኦ እንደሚኖረው ተናግረዋል። ይህም ለምክር ቤት አባላቱ ትልቅ እገዛ እንደሚኖረው ለመናኸሪያ ሬዲዮ አስታውቀዋል። በተያዘው የመስከረም ወር የመጨረሻው ሰኞ ይመሰረታል ተብሎ በሚጠበቀው የሕዝብ ተወካዮች እና የፌዴሬሽን ምክር ቤት አብላጫውን ወንበር ብልፅግና ፓርቲ ማሸነፉ ይታወቃል። ___ ሀሳብ እና‘ሳ‘ፍራለን