የአየር ትንበያ መረጃን መሠረት በማድረግ የኤልኒኖ ሥጋትና የቅድመ ዝግጅት ሥራዎች ሊሠሩ እንደሚገባ ተገለጸ

መስከረም 08 ቀን 2019ዓ.ም.(መናኸሪያ ሬዲዮ) የ2019 ዓ.ም የአየር ሁኔታ ትንበያን ተከትሎ የኤልኒኖ ክስተት ሊያስከትላቸው ስለሚችላቸው የዝናብና የሙቀት ለውጦች የኢትዮጵያ ሜቲዎሮሎጂ ኢንስቲትዩት ይፋ አድርጓል። በተለይም በጎርፍ፣ በድርቅ፣ በግብርና ምርት እና በሕዝብ ጤና ላይ ሊከሰቱ ለሚችሉ ተፅዕኖዎች ከወዲሁ የቅድመ ዝግጅትና የምላሽ ሥራዎች እንዲጠናከሩ በተቋሙ በኩል ባሉት 11 ቅርንጫፍ ማዕከላት በኩል መረጃ የመስጠት ሥራ እየተከናወነ መሆኑን የኢንስቲትዩቱ ምክትል ዋና ዳይሬክተር ዶ/ር አሳምነው ተሾመ ገልጸዋል። ኢንስቲትዩቱ በክረምቱ ወራት የሰጠው የትንበያ መረጃ 79 በመቶ መከሰቱን ጠቅሰዋል። በዚህም በግብርናው ዘርፍ የተሰማሩ አርሶ አደሮች የአየር ትንበያ መረጃን በመከታተል የዘር ምርጫ፣ የመዝራት ጊዜና የውኃ አጠቃቀም ውሳኔዎችን ከሚገኘው መረጃ ጋር ማስማማት ይጠበቅባቸዋል ብለዋል። በሌላ በኩል ኤልኒኖ በክረምት ሲከሰት እና በበጋ ሲከሰት አሉታዊ እንዲሁም አዎንታዊ ተፅዕኖ ያለው መሆኑን በመጥቀስ፣ ችግሮችን ለመቀነስ ከተለያዩ ተቋማት ጋር በጋራ በመሥራት ላይ እንደሚገኙ አብራርተዋል። የአየር ሁኔታ ትንበያን በወቅቱ መከታተል፣ የሥጋት አካባቢዎችን ቀድሞ መለየትና የቅድመ ዝግጅት ሥራዎችን በማጠናከር በኤልኒኖ እና በሌሎችም የአየር ሁኔታ አደጋዎች የሚመጡ ተፅዕኖዎችን ለመቀነስ የሚወጡ መረጃዎችን መከታተል እንደሚገባ ተመላክቷል። ___ ሀሳብ እና‘ሳ‘ፍራለን