ወፎች እጅግ የሚያቃጥል በርበሬ በልተው ለምን አይቃጠሉም? ድንቅ የተፈጥሮ ሚስጥር!

 
ነሐሴ 06 ቀን 2018 (መናኸሪያ ሬዲዮ) አብዛኞቻችን በምግባችን ላይ ትንሽ ቃሪያ ስንጨምር የአፍ መቃጠል፣ የእንባ መውረድ እና የውኃ ጥም ያጋጥመናል። አእዋፍ ግን በዓለማችን ላይ ያለውን እጅግ የሚያቃጥል ቃሪያ እንኳን እንደማንኛውም ጣፋጭ ፍራፍሬ በፍላጎት ይመገቡታል።
 
የዚህ ድንቅ የተፈጥሮ ሚስጥር «ካፕሳይሲን» (Capsaicin) በተባለው ኬሚካል ውስጥ ይገኛል። እኛ ሰዎች እና ሌሎች አጥቢ እንስሳት ቃሪያ ስንበላ በአፋችን ውስጥ የሚገኙት «TRPV1» የተባሉ የነርቭ ህዋሳት ከካፕሳይሲን ጋር ሲገናኙ ወደ አእምሮአችን የቃጠሎ መልእክት በመላክ የመቃጠል ስሜት ይፈጥራሉ። በአንጻሩ የወፎች የነርቭ ሥርዓት ይህንን ኬሚካል የሚቀበል አወቃቀር ስለሌለው፣ ምንም ያህል የሚያቃጥል ቃሪያ ቢመገቡ ፍጹም የመቃጠል ስሜት አይሰማቸውም ነው የተባለው።
 
በተፈጥሮ ውስጥ እንደ ፓሮት፣ ካካቱ፣ ቡልቡል፣ ድንቢጥ፣ ቱካን እና ሆርንቢል የሚባሉ በርካታ የወፍ ዓይነቶች ቃሪያን በከፍተኛ ፍላጎት ይመገቡታል፤ ይህም ለእነሱ ድቅድቅ የቪታሚን ኤ እና ሲ ምንጭ ይሆንላቸዋል። እንዲያውም የወፍ ወዳጆች በአእዋፍ መመገቢያ ቦታዎች አካባቢ አይጦችን ለማባረር የሚያቃጥል የቃሪያ ዱቄት ይነሰንሳሉ፤ ይህም አይጦቹን ሲያባርር ወፎቹ ግን ምግባቸውን ያለ ምንም ችግር እንዲመገቡ ያስችላቸዋል። 
__

ሀሳብ እና’ሳ’ፍራለን