ለኤሊኖን ብቻ ሳይሆን ከኤሊኖን ባሻገር ምላሽ ለመስጠት ተዘጋጅተናል:- የፌደራል የአደጋ ስጋት ስራ አመራር ኮምሽን

መስከረም 09 ቀን 2019ዓ.ም.(መናኸሪያ ሬዲዮ) ኤሊኖን ለዘመናት በተለያየ ስያሜ እየተጠራ አሉታዊ ተጽዕኖ ሲያሳድር የቆየ አለም አቀፍ ክስተት እንደሆነ የኢትዮጵያ የአደጋ ስጋት ሥራ አመራር ኮሚሽን የስትራቴጂክና ሎጂስቲክስ ዘርፍ ምክትል ኮሚሽነር አቶ አይድሩስ ሀሰን ገልጸዋል። ከዚህ ቀደም የኢትዮጵያ ሜትሪዮሎጂ ኢንስቲትዮት በሰጠው የትንበያ መረጃ፣ በአገሪቱ በ8 ክልሎች፣ በ37 ዞኖች፣ በ178 ወረዳዎች የኤሊኖን ክስተት እንደሚያጋጥም መገለጹን አስታውሰዋል። ዘንድሮ በተከሰተው ኤሊኖን ሁለት ከፍተኛ ተጽዕኖዎች ማለትም ከፍተኛ የዝናብ እጥረት ወይም ድርቅ እና የጎርፍ አደጋ እንደሚጠበቅ ምክትል ኮምሽነሩ አመላክተዋል። ኮምሽኑ ከሌሎች የመንግስት ተቋማት ጋር በመሆን ለክስተቱ ብቻ ሳይሆን ከኤሊኖን ባሻገር ምላሽ ለመስጠት በቂ ዝግጅት ማድረጉን ተናግረዋል። ክስተቱን ተከትሎ ለሚያጋጥም አደጋ ምላሽ ለመስጠት የሰብዓዊ እርዳታን በራስ አቅም ለመሸፈን ቀደም ብሎ ጠቅላይ ሚኒስትር አብይ አሕመድ በሰጡት አቅጣጫ መሰረት በተጀመረው “የአደጋ ስጋት ምላሽ ፈንድ” ትልቅ አቅም መፍጠር እንደተቻለ አመላክተዋል። በዚህም መሰረት እንደ አገር ለኤሊኖን ብቻ ሳይሆን፣ ከኤሊኖን ባሻገር ለሚያጋጥም አደጋ ምላሽ ለመስጠት በቂ ዝግጅት እንደተደረገ የኢትዮጵያ የአደጋ ስጋት ሥራ አመራር ኮሚሽን የስትራቴጂክና ሎጂስቲክስ ዘርፍ ምክትል ኮሚሽነር አቶ አይድሩስ ሀሰን አስታውቀዋል። ኮምሽኑ ከመንግስት ኮምዩኒኬሽን አገልግሎት ጋር በጋራ ባዘጋጀው መድረክ ለፌደራል እና የክልል የኮምዩኒኬሽን እና ሚዲያ አካላት በኤሊኖን ወቅታዊ ሁኔታ፣ በሰብዓዊ ድጋፍ ሉዓላዊነት እና በተቀናጀ የሚዲያ እና መረጃ ልውውጥ ዙሪያ ምክክር እያደረገ ነው። ___ ሀሳብ እና‘ሳ‘ፍራለን