“በሆርሙዝ ሰርጥ ላይ ሙሉ ቁጥጥር አለን፤ ኢራንን በፍጹም አላምንም!” – ዶናልድ ትራምፕ

የአሜሪካው ፕሬዝዳንት ዶናልድ ትራምፕ አሜሪካ በስትራቴጂካዊው የሆርሙዝ ሰርጥ የባህር መስመር ላይ “ሙሉ ቁጥጥር” እንዳላት በመግለጽ በኢራን ላይ የሰነዘሩትን ጠንካራ ወቀሳ ቀጥለዋል።
 
ፕሬዝዳንቱ በሜሪላንድ ከሚገኘው የጆይንት ቤዝ አንድሪውስ ወታደራዊ ኤርፖርት ለጋዜጠኞች በሰጡት መግለጫ፣ “ኢራንን አላምንም፤ እንዴትስ ልታመናት እችላለሁ? እኔ ኢራንን የሚያምን የመጨረሻው ሰው ነኝ፤ እሷ ሁልጊዜም ቢሆን ለእኔ ውሸት ስትናገር የነበረች ሀገር ናት” ሲሉ ተናግረዋል።
 
በቀጣናው ያለውን የባህር ኃይል የበላይነት በተመለከተም ትራምፕ ሲያብራሩ፡ “በአሁኑ ወቅት በሆርሙዝ ሰርጥ ላይ ሙሉ ቁጥጥር አለን። ምንም ዓይነት ቁጥጥር የላቸውም፤ ሙሉ በሙሉ በእጃችን ነው ያለው” ሲሉ የአሜሪካን ወታደራዊ የበላይነት ገልጸዋል።
 
ይህ የትራምፕ አስተያየት የወጣው በስትራቴጂካዊው የሆርሙዝ ሰርጥ የባህር ማለፊያ ላይ በተነሳው ወታደራዊ ውጥረት እና የንግድ መርከቦች የመሸጋገር መብት ጋር በተያያዘ በሁለቱ ሀገራት መካከል ያለው እሰጣ አገባ በከፍተኛ ሁኔታ በከረረበት ወቅት ነው።
 
__

ሀሳብ እና’ሳ’ፍራለን