ከሬሳ ሳጥን የተሰማው አስደንግጭ ማንኳኳት፡ ሞተዋል ተብለው በስህተት የተቀበሩት አያት አስገራሚ ታሪክ!

 
ሐምሌ 30 ቀን 2018(መናኸሪያ ሬዲዮ) በደቡብ አሜሪካዊቷ ሀገር ኢኳዶር፣ ባባሆዮ በተባለች ከተማ የሚገኘው ማርቲን ኢካዛ ሆስፒታል ሰኔ 9 ቀን 2015 ዓ.ም አንድ ያልተለመደና አሳዛኝ ክስተት አስተናግዷል። እድሜያቸው 76 የሆኑት አያት ቤላ ሞንቶያ በጽኑ ታመው ወደ ሆስፒታሉ ከገቡ በኋላ፣ በወቅቱ በነበሩት ሀኪሞች “ህይወታቸው አልፏል” የሚል ኦፊሴላዊ የሞት ምስክር ወረቀት ተሰጣቸው።
 
የሞታቸውን ዜና የሰሙት ቤተሰቦቻቸውና ወዳጆቻቸው የቀብር ስነ-ስርዓታቸውን ለመፈጸም አስከሬኑን በሬሳ ሳጥን ውስጥ አድርገው ወደ ቀብር ማዘጋጃ ቤት ወሰዱት። ለሰዓታት ያህል የሀዘን ስነ-ስርዓት ሲካሄድ ቆይቶ፣ ከቀብሩ በፊት የሬሳ ሳጥኑን ከፍተው ልብሳቸውን ለመቀየር ሲዘጋጁ ግን ያልተጠበቀ ድንጋጤ ተከሰተ።
 
የአያት ቤላ ሞንቶያ ልጅ የሆነው ጊልበርት ባልቤራን እንደተናገረው፣ ከሰዓታት ሀዘን በኋላ ከሳጥኑ ውስጥ ደካማ ማንኳኳትና የመተንፈስ ድምፅ መሰማት ጀመረ። ቤተሰቦቻቸው ሳጥኑን በፍጥነት ሲከፍቱ፣ አያት በህይወት ሆነው ግራ እጃቸውን በማንቀሳቀስና አፋቸውን በመክፈት አየር ለማግኘት ሲታገሉ ተመለከቱ።
 
ይህ ክስተት በወቅቱ በሆስፒታሉ ባለሙያዎች ዘንድ ከፍተኛ መደናገጥን የፈጠረ ሲሆን፣ አያት ወዲያውኑ ወደ ጽኑ ህክምና ክፍል ተመልሰው ኦክስጅን እንዲያገኙ ተደረገ። የህክምና ባለሙያዎች እንደሚሉት አያት የካታሌፕሲ (Catalepsy) ተብሎ በሚጠራ የነርቭ መታወክ ሁኔታ ውስጥ ወድቀው የነበረ ሲሆን፣ በዚህ ሁኔታ ውስጥ ያለ ሰው የልብ ምቱና የመተንፈስ ፍጥነቱ እጅግ አነስተኛ ከመሆኑ የተነሳ እንደ ሞተ ሰው ተቆጥሮ በስህተት ሊደመደም ይችላል።
 
ክስተቱን ተከተሎ የኢኳዶር ጤና ሚኒስቴር አያት በስህተት ሞተዋል ተብለው የሞት ምስክር ወረቀት እንዴት ሊሰጣቸው እንደቻለ ለማጣራት ብሔራዊ ኮሚቴ አቋቁሞ ምርመራ ጀምሮ ነበር።
 
ሆኖም ግን፣ አያት ቤላ ሞንቶያ በጽኑ ህክምና ክፍል ውስጥ ለአንድ ሳምንት ያህል ከቆዩ በኋላ ሰኔ 16 ቀን 2015 ዓ.ም በተከሰተ የstroke ችግር ምክንያት ህይወታቸው ማለፉ በይፋ ተረጋግጧል።
 
የመጀመሪያው አጋጣሚ ግን በዓለም አቀፍ ደረጃ በህክምና ታሪክ ውስጥ እጅግ አስገራሚና በማህበራዊ ሚዲያ ከፍተኛ መነጋገሪያ ከሆኑ ክስተቶች አንዱ ሆኖ ተመዝግቧል።
 
__

ሀሳብ እና’ሳ’ፍራለን