መስከረም 14 ቀን 2019 ዓ.ም (መናኸሪያ ሬዲዮ) መስከረም ወር ላይ የሚከበሩትን የመስቀል እና ኢሬቻ በዓላትን ለመታደም ከፍተኛ ቁጥር ያላቸው ቱሪስቶች አንደሚመጡ የሚታወቅ በመሆኑ ቅድመ ዝግጅቶችም በበቂ ሁኔታ መደረጋቸውን ለመናኸሪያ ሬዲዮ አስታውቋል፡፡ መስቀል እና ኢሬቻን ለማክበር ወደ መዲናዋ የሚመጡ የውጭ ሀገራት ቱሪስቶች ተገቢውን መስተንግዶ እና መረጃ እንዲያገኙ የሆቴል ሚና ከፍተኛ በመሆኑ ማህበሩ ከአባላቱ ጋር ቅድመ ውይይት ማከናወኑን የሆቴል ባለንብረቶች ማህበር ፕሬዝዳንት ወ/ሮ አስቴር ሰለሞን ገልጸዋል፡፡ ሆቴሎች አሁን ላይ ትልልቅ ኹነቶችን በስፋት እያስተናገዱ በመሆኑ ልምዳቸው እየጨመረ መሆኑን በመጥቀስ የሚመጡ ቱሪስቶች የቆይታ ጊዜያቸውንም እንዲያራዝሙ ጥራት ያለው አገልግሎት መስጠታቸው አስፈላጊ ነው ብለዋል፡፡ እንዲሁም ከዚህ ቀደም አዲስ አበባ የሚጎበኝ ስፍራ የሌላት በመሆኑ መተላላፊያ በመሆኗ የሆቴሎች ተጠቃሚነት ዝቅተኛ እንደነበረ በመጥቀስ አሁን ላይ አዲስ አበባን ብቻ ለመጎብኘትም በርካታ ጎብኝዎች እንደሚመጡ እና የሆቴሎች ተጠቃሚነትም ከፍተኛ መሆኑን ገልጸዋል፡፡ ሃይማኖታዊ እና ባህላዊ በዓላትን አስመልከቶ ከአዲስ አበባ ቱሪዝም ኮሚሽን እና ከሌሎች ባለድርሻ አካላት ጋር አብረው እየሰሩ መሆኑን በማንሳት የመስቀል እና ኢሬቻ በዓላትን አስመልክቶ በጋራ የተጀመሩ ስራዎች መኖራቸዉን አስረድተዋል፡፡ በሆቴሎች በኩል የሚሰጡ አገልግሎቶች ጥራታቸውን የጠበቁ እንዲሆኑ ለማስቻል እና አቅማቸውን እንዲያሳድጉ ለማድረግ ማህበሩ ትኩረት ሰጥቶ እየሰራ እንደሚገኝ የማህበሩ ፕሬዝዳንት ገልጸዋል፡፡ ___ ሀሳብ እና‘ሳ‘ፍራለን
ምላሽ ይስጡ