በኢትዮጵያ የሰላምና ደህንነት አጀንዳዎች ላይ የሴቶች ሚና እውቅና እየተሰጠው አይደለም ተባለ

መስከረም 13 ቀን 2019 ዓ.ም (መናኸሪያ ሬዲዮ) ሴቶች በግጭት ወቅት ጉዳት እንዳይደርስባቸው የመጠበቅና በሰላምና ደህንነት ዙሪያ ያላቸውን ሚና የማጉላት ሥራ ሊሠራ እንደሚገባ የኢትዮጵያ ሴቶች ማኅበራት ቅንጅት (NEWA) “ብሔራዊ የሴቶች፣ ሰላምና ደህንነት ፎረም” በሚል ባዘጋጀው መድረክ ላይ ገልጿል። የቅንጅቱ ዳይሬክተር ወ/ሮ ሳባ ገብረመድህን የሴቶች ሰላምና ደህንነት አጀንዳ በሴቶች የሰላም ድርድር ተሳትፎ ብቻ ሳይወሰን ከግጭት በመከላከል፣ በጥበቃ እና በአካቶ መተግበር አለበት ብለዋል። በተለይ ግጭት በሚከሰትባቸው አካባቢዎች ሴቶች ከፍተኛ ጉዳት እንደሚደርስባቸው ተናግረው፤ ከግጭቱ በኋላ ለማገገም የሚያስችሏቸው መሠረተ ልማቶችና አገልግሎቶች መጠናከር እንዳለባቸውም አብራርተዋል። በውሳኔ ሰጪ ሂደቶች የሴቶች ዝቅተኛ ተሳትፎ በግጭት ወቅት የበለጠ ሊጎለብቱ የሚችል መሆኑን ጠቅሰው፤ በማኅበረሰብ ደረጃ ሴቶች እያደረጉት ያለው የሰላም እንቅስቃሴ፣ የሴቶች ድርጅቶች የሚያከናውኑት የጥበቃና የድጋፍ ሥራ እንዲሁም ለግጭት ተጎጂዎች የሚሰጡ አገልግሎቶች ታውቀውና ተመዝግበው ድጋፍ ሊደረግላቸው ይገባል ብለዋል። በተለይም በዚህ ላይ የሚሠሩ የሴቶች ማኅበራት ጥረቶችንም መደገፍ፣ እነዚህን ጥረቶች ማስተባበር እና ግጭትን ከመከላከል ጀምሮ በሰላም ማስፈን ሂደት ሴቶች የሚኖራቸውን ሚና ማሳደግ እንደሚገባ አመላክተዋል። ___ ሀሳብ እና‘ሳ‘ፍራለን