በሸዋሮቢት ከተማና አካባቢው አጥፊው የግሪሳ ወፍ በመከሰቱ ምክንያት አስቸኳይ የኬሚካል ርጭት ሊካሄድ ነው

መስከረም 10 ቀን 2019 ዓ.ም. (መናኸሪያ ሬዲዮ) የሸዋሮቢት ከተማ አስተዳደር ግብርና ፅህፈት ቤት በቀጠናው አጥፊው የግሪሳ ወፍ መከሰቱን አስታወቀ። ፅህፈት ቤቱ ወረርሽኙን በአጭር ጊዜ ለመግታትና በሰብል ላይ የሚያደርሰውን ውድመት ለመከላከል ያለመ አስቸኳይ የኬሚካል ርጭት ዘመቻ ከዛሬ ጀምሮ እስከ ነገ የሚቀጥል መሆኑን ገልጿል። በዚሁ መሠረት የመከላከያ ርጭቱ ዛሬ ምሽት ከ11፡00 ሰዓት ጀምሮ የሚከናወን ሲሆን፣ ርጭቱ በሚካሄድባቸው ቦታዎች ላይ ኬሚካሉ ለጤና አደገኛ ሊሆን ስለሚችል አካባቢዎቹ ከሰውም ሆነ ከእንስሳት ንክኪ ሙሉ በሙሉ ነፃ መደረግ እንዳለባቸው ጥብቅ ማሳሰቢያ ተሰጥቷል። በተጨማሪም ዘመቻው የተሳካ ይሆን ዘንድ ህብረተሰቡ ከግብርና ባለሙያዎች ጎን በመቆም ወፎቹ የሚያድሩበትን ትክክለኛ ቦታ በመለየት፣ መረጃ በመስጠትና አሰሳ በማድረግ ንቁ ትብብር እንዲያደርግ ጥሪ ተ አስተላልፏል። የአካባቢውን ግብርና ከጥፋት ለመታደግ ከተማ አስተዳደሩ ያስተላለፈውን ይህንን አጣዳፊ መረጃ ነዋሪዎች እርስ በርሳቸው በማጋራትና ላልሰሙት በማድረስ የበኩላቸውን ድርሻ እንዲወጡ ተጠይቋል። ___ ሀሳብ እና‘ሳ‘ፍራለን