መስከረም 12 ቀን 2019 ዓ.ም (መናኸሪያ ሬዲዮ) ዘንድሮ እጅግ በጣም አስደናቂ እንቅስቃሴ እያደረገ የሚገኘው የብሉግራናዎቹ አምበል እና የፊት መስመር ተጫዋች ብራዚላዊው ራፊኛ በስፖቲፋይ ካምፕ ኑ እስከ 2030 የሚያቆየውን ውል ለመፈረም መስማማቱን የክለቡ ቴክኒካል ዳይሬክተር ዴኮ አሳውቋል። የስፔኑ ሀያል ክለብ ባርሴሎና ብራዚላዊውን የክንፍ መስመር ተጫዋች ራፊኛን በክለቡ እስከ ሰኔ 2030 የሚያቆየውን አዲስ የውል ማራዘሚያ ለማስፈረም ከስምምነት መድረሱን የክለቡ ስፖርቲንግ ዳይሬክተር ዴኮ በይፋ አረጋግጧል። በክለቡ ጠቅላላ ጉባኤ ላይ የተናገረው ዴኮ፣ የ29 ዓመቱ ተጫዋች አሁን ያለውን ውል በሁለት ተጨማሪ ዓመታት የሚያራዝምበት ድርድር ሙሉ በሙሉ መጠናቀቁንና ጥቂት የወረቀት ስራዎች ብቻ መቅረታቸውን ገልጿል። ራፊኛ በያዝነው አዲሱ የ2026/27 የውድድር ዘመን በአሰልጣኝ ሃንሲ ፍሊክ ታክቲክ ውስጥ የቡድኑ ዋና የውጤት መሪ እና ወሳኝ ተጫዋች መሆን ችሏል። ብራዚላዊው ኮከብ በተለዋዋጭ የመሃል እና የክንፍ ማጥቃት ቦታዎች ላይ በመሰለፍ በአስደናቂ ብቃት ላይ የሚገኝ ሲሆን፣ በላሊጋው ባደረጋቸው የመጀመሪያ ስድስት ጨዋታዎች ብቻ ዘጠኝ ግቦችን በማስቆጠር አስደናቂ እንቅስቃሴ እያደረገ ይገኛል። ባርሴሎና በአዲሱ የውድድር ዘመን ባደረጋቸው 7 ጨዋታዎች ሁሉንም በማሸነፍ በ21 ነጥብ ሊጉን እየመራ ሲሆን፣ 24 ንጹህ ግብ ያለው አስደናቂ የማጥቃት እንቅስቃሴ እንዲኖረው የራፊኛ አስተዋጽኦ ከፍተኛ መሆኑን መናገር ይቻላል። ሃንሲ ፍሊክ ለተጫዋቹ የሰጡት ነፃነት እና የቡድኑ ዋና ተጽዕኖ ፈጣሪ የፊት መስመር መሪ ማድረጋቸው ለቡድኑ ውጤታማነት ትልቅ አስተዋጽኦ አድርጓል። በተጨማሪም ዴኮ ክለቡ የወደፊት ተስፋ የሆኑትን ወጣት ተጫዋቾች የማርክ በርናልን እና የዣቪ ኤስፓርት ውል ከራፊኛ ጎን ለጎን የሚያራዝም መሆኑን አስታውቋል። ___ ሀሳብ እና‘ሳ‘ፍራለን
ምላሽ ይስጡ