በሜካፕ ምክንያት ከመታወቂያ ፎቶዋ ጋር ያልተመሳሰለችዉ ተጓዥ ሜካፗን እንድታስለቅቅ መገደዷ ተገለጸ

አንድ ቻይናዊት ሴት በአውሮፕላን ማረፊያ ውስጥ የፊት ላይ መታወቂያ ስካነሮች ማንነቷን ለማረጋገጥ ስላዳገታቸዉ ወጣቷ የተቀባችዉን ሜካፕ እንድታስለቅ ማደረጉን አየር መንገዱ አስታዉቋል፡፡

ወጣቷ የኤርፖርት ሰራተኞች እየተሳደበች እርጥብ የሆነ የፊት መጥረጊያ ስትጠቀም የሚያሳይ አጭር ቪዲዮ በቻይና ማህበራዊ ሚዲያ ላይ ከታየ በኃላ ብዙ አይነት አስቂኝ አስተያየቶችን አስነስቷል።

ከወጣቷ መታወቂያ ቀጥሎ ባለው ቪዲዮ ላይ በሚታየው የመሳፈሪያ ፓስፖርት መሰረት ቪዲዮው የተቀረፀው በሻንጋይ አውሮፕላን ማረፊያ ነው፤ በአጫጭር ቅንጭብ ምስሉ ላይ ወጣቷ ካሜራውን ይዛ የአየር ማረፊያው ባለስልጣን ሊሆን የሚችል ግለሰብ ወጣቷን በመታወቂያ ሰነዱ ላይ ያለውን ምስል እስክትመስል ድረስ ሁሉንም ሜካፕ ማጥፋት እንዳለባት ሲነግራት ታይቷል፡፡

የፓስፖርት ፎቶዋን እስኪመስሉ ድረስ ሁሉንም ነገር ያጥፉ. ሜካፕዎን ለምን በዚህን ያህል አብዝተዉ ይቀባሉ ሲል የአየር መንገዱ ሃላፊ ሲናገር ተደምጧል፡፡

ወጣቷ ሜካፑን ካጠፋች በኃላ የመታወቂያ ቅኝቱን አልፋ ትሂድ አትሂድ በተንቀሳቃሽ ምስሉ ግልጽ ሆኖ አለመታዩትን ጠቅሶ ኦዲቲ ሴንትራል ዘግቦታል፡፡
__

ሀሳብ እና’ሳ’ፍራለን