ከኤሌክትሪክ ንዝረት በኋላ እንደ ማግኔት ብረታብረቶችን መሳብ የጀመረው ሩሲያዊ ታዳጊ

 
ጥቅምት 25 ቀን 2019(መናኸሪያ ሬዲዮ) የ12 ዓመቱ ሩሲያዊ ታዳጊ ኒኮላይ ክሪያግሊያቼንኮ ከትምህርት ቤት ወደ ቤት በመመለስ ላይ ሳለ በጎዳና ላይ ከተተከለ የመብራት ምሰሶ በደረሰበት የኤሌክትሪክ ንዝረት (Electric shock) ምክንያት ሰውነቱ ተአምራዊ በሆነ መንገድ እንደ ማግኔት ብረታብረቶችን መሳብ እንደጀመረ ተናገረ።
 
ታዳጊው ከክስተቱ በኋላ እንደ ማንኪያ፣ ሹካና ሳንቲም ያሉ ነገሮች ከሰውነቱ ጋር በቀላሉ እንደሚጣበቁ በመግለጽ በርካታ የዓለም መገናኛ ብዙሃንን ትኩረት ስቧል።
 
ይሁን እንጂ የፊዚክስ ሊቃውንትና የሳይንስ ባለሙያዎች ለክስተቱ የተለየ ሳይንሳዊ ማብራሪያ ይሰጣሉ። እንደ ሳይንቲስቶች ገለጻ፣ የሰው ልጅ አካል ብረታብረትን መሳብ የሚያስችል የማግኔት ኃይል ማመንጨት አይችልም።
 
ብረታብረቶቹ በታዳጊው አካል ላይ ሊጣበቁ የቻሉት በቆዳ ተፈጥሯዊ ሰበቃ (Friction)፣ በቆዳ ላይ በሚገኝ ቅባትና ላብ እንዲሁም በብረቱና በቆዳው መካከል በሚፈጠር አየር የማስወጣት ስብከት (Suction) ምክንያት እንጂ በማግኔት ኃይል እንዳልሆነ ባለሙያዎቹ ያስረዳሉ።
 
ለአብነት ያህል በቆዳው ላይ ዱቄት ሲነስነስ ወይም ልብስ በሚለብስበት ወቅት የብረቶቹ መጣበቅ ሙሉ በሙሉ እንደሚቆም ተገልጿል።
 __

ሀሳብ እና’ሳ’ፍራለን