መስከረም 14 ቀን 2019 ዓ.ም (መናኸሪያ ሬዲዮ) የኢንስቲትዩቱ ምክትል ዋና ዳይሬክተር ወ/ሮ ፀዳለ ተክሉ የዚህ ዓመት የቴክኒክና ሙያ ሥልጠና ምዝገባ እስከ መስከረም 25 ቀን 2019 ዓ.ም ድረስ እንደሚቆይ አስታውቀዋል። ምክትል ዋና ዳይሬክተሯ የዚህ ዓመት የምዝገባ መርሃ ግብርን በተመለከተ በተዘጋጀው የመረጃ ሳምንት ማስጀመሪያ መርሃ ግብር ላይ ባደረጉት ንግግር፣ የዲጂታል ኢትዮጵያ 2030 እውን እንዲሆን ለማድረግ አዳዲስ የትምህርት ዘርፎች መካተታቸውን ይፋ አድርገዋል። በተጨማሪም ኢንስቲትዩቱ ከናይጄሪያና ከቻይና መንግሥት ጋር በመሆን የጥምር ትምህርት እየሰጠ እንደሆነና ድፕሎማሲያዊ ግንኙነቶችን ከፍ ለማድረግ ከጎረቤት ሀገራት የመጡ 300 ተማሪዎችን ተቀብሎ እያሰለጠነ መሆኑን አመልክተዋል። የኢንስቲትዩቱ ምክትል ዋና ዳይሬክተር ዶክተር ሃብታሙ ሙሉጌታ በበኩላቸው ተቋሙ ዘመኑ የደረሰበትን የቴክኖሎጂ ደረጃ ከግምት ውስጥ በማስገባት ባለፈው ዓመት አሥራ አንድ የትምህርት መስኮች መከፈታቸውን አስታውሰዋል። በተለይም AI ፣ Cyber Security፣ Robotics እና EV (ኤሌክትሪክ ተሽከርካሪ) የመሳሰሉ የትምህርት መስኮችን መጀመራቸውን በመግለጽ፣ በዚህ ዓመትም ይህንኑ አጠናክሮ እንደሚቀጥል ዶክተር ሃብታሙ አስታውቀዋል፡፡ ___ ሀሳብ እና‘ሳ‘ፍራለን
ምላሽ ይስጡ