ከትላንትናው ጦርነቶች በመማር የሰላሙን መንገድ መምረጥ እንደሚገባ ተጠቆመ

መስከረም 15 ቀን 2019 ዓ.ም (መናኸሪያ ሬዲዮ) በተለያዩ ጊዜያት በኢትዮጵያ በተካሄዱ ጦርነቶች ምክንያት የመጣውን ጉዳት በመገንዘብ፣ ዳግም ተመሳሳይ ችግሮች እንዳይፈጠሩ መስራት እንደሚገባ የሀገር ሽማግሌ ፕሮፌሰር አህመድ ዘካሪያ ተናግረዋል፡፡ ሁሉም ዜጎች “ጦርነት አያስፈልግም” ቢሉም፣ ወደ ችግሩ ሲገባ ግን እየተስተዋለ መሆኑን የገለጹት ፕሮፌሰር አህመድ፣ ችግር መፍታት ላይ ሁሉም በኃላፊነት መስራት ይገባዋል ብለዋል፡፡ በተለይም ወጣቱ የልማት ሰራዊት ለመሆን መስራት እንደሚገባውና ባሳለፍነው የሰሜኑ ጦርነት ወጣቱ ከማንም በላይ ተጎጂ በመሆኑ፣ ይህን በመገንዘብ ለሰላም መስራት እንደሚያስፈልግ አጽንኦት ሰጥተውበታል፡፡ ከሃይማኖት አባቶች ጋር በመተባበር በሀገሪቱ ሰላም እንዲረጋገጥ እየሰሩ መሆናቸውን የሚናገሩት በኢትዮጵያ የእምነት ተቋማት ጉባኤ ሴቶች ላይ የሚሳተፉት ወ/ሮ መአዛ በቀለ፣ ከምንም በላይ ስለ ሀገርና ስለ ቤተሰብ ማሰብ እንደሚገባ አስረድተዋል፡፡ “ጦርነት የሚመጣውን ችግር በጣም የተረዳ ህዝብ ነው” የሚሉት ወ/ሮ መአዛ፣ በዚህ ላይ እናቶች ሰላም እንዲረጋገጥ የበኩላቸውን ሚና ሊወጡ እንደሚገባም አስገንዝበዋል፡፡ ለሰላም ቅድሚያ በመስጠት ችግሮችን በውይይትና በመነጋገር መፍታት ይገባል ብለዋል፡፡ ኢትዮጵያ ያሏትን የሰላም እሴቶች ተጠቅማ ችግሮች እንዲፈቱ መስራት እንደሚገባም ተመልከቷል፡፡ ___ ሀሳብ እና‘ሳ‘ፍራለን