የኢሬቻ በዓል ባህላዊ እሴቱን በጠበቀ መልኩ እንዲከበር ልዩ ትኩረት መሰጠቱን የኦሮሚያ ክልል ባህልና ቱሪዝም ቢሮ አስታወቀ

መስከረም 12 ቀን 2019 ዓ.ም (መናኸሪያ ሬዲዮ) መስከረም 23 እና 24 ቀን 2019 ዓ.ም. የሚከበረው የዘንድሮው የኢሬቻ በዓል ባህላዊ እሴቱን በጠበቀ መልኩ እንዲከበር አስፈላጊውን ድጋፍ እንደሚያደርጉ የኦሮሚያ ክልል ባህልና ቱሪዝም ቢሮ ኃላፊ ወይዘሮ ጀሚላ ሲንቢሩ ተናግረዋል። “ኢሬቻ ለሀገራዊ መግባባት” በሚል መሪ ቃል የሚከበረው የዘንድሮው የኢሬቻ በዓል፣ በተለይ ከሀገራዊ ምክክሩ ማግስት መከናወኑ የ2019 ዓ.ምን አከባበር ልዩ ያደርገዋል ብለዋል። እንዲሁም የዘንድሮውን የኢሬቻ በዓል የ7ኛው ጠቅላላ ምርጫ በስኬት ተጠናቆ የመንግሥት ምሥረታ ዋዜማ ላይ መከበሩ ልዩ እንደሚያደርገው ተጠቅሷል። የኦሮሚያ ክልል መንግሥት ልዩ ትኩረት ሰጥቶ ለባህልና ለኪነ ጥበብ ሥራዎች እየሠራ እንደሚገኝ የገለጹት ኃላፊዋ፣ በተለይ ኢሬቻን በማስተዋወቅ ከፍተኛ የገቢ ምንጭ እንዲሆን እየተሠራ ይገኛል ብለዋል። በተለይም ታላቁ የኢሬቻ ሩጫ፣ ሚስ ኢሬቻ እና የኢሬቻ ኮንሰርት በዓሉን ለማስተዋወቅ ከተሠሩትና ከሚሠሩት ሥራዎች መካከል ማሳያዎች ናቸው ብለዋል። በአዲስ አበባ ሆራ ፊንፊኔ እና በቢሾፍቱ ሆራ አርሰዲ የሚከበሩትን የኢሬቻ በዓላት ምክንያት በማድረግ፣ የኦሮሞ አባ ገዳዎች ሕብረት እና የኦሮሚያ ክልል ባህልና ቱሪዝም ቢሮ የውይይት መድረክ በዛሬው ዕለት አካሂደዋል። ___ ሀሳብ እና‘ሳ‘ፍራለን