መስከረም 12 ቀን 2019 ዓ.ም (መናኸሪያ ሬዲዮ) የተለያዩ የቱሪዝም መዳረሻዎችን፣ ገበያዎችን፣ ንግዶችን፣ ባለሀብቶችን፣ ቴክኖሎጂን፣ ባህልን እና ማህበረሰቦችን ለማስተዋወቅ የሚያስችል ዓመታዊ መድረክ መሆኑን የኦሮሚያ ቱሪዝም ኮሚሽን አስታውቋል። ይህ ሁነት ባለሀብቶችን፣ ዓለም አቀፍ አጋሮችን፣ የቴክኖሎጂ ኩባንያዎችን፣ የፈጠራ ኢንዱስትሪዎችን እና የኢንቨስትመንት ዕድሎችን ለማገናኘት ትልቅ አስተዋጽኦ እንዳለው ተገልጿል። እንዲሁም ከምሥራቅና ከአፍሪካ ቀንድ፣ ከምዕራብ አፍሪካ፣ ከደቡብ አፍሪካ፣ ከመካከለኛው ምሥራቅ፣ ከእስያ፣ ከአውሮፓና ከሰሜን አሜሪካ የተውጣጡ ከ20 በላይ ሀገራትና ከ100 በላይ ተሳታፊዎች ይገኙበታል ተብሏል። የኦሮሚያ ቱሪዝም ሳምንት ከመስከረም 19 እስከ 21/2019 ዓ.ም. በአዲስ አበባ እንደሚካሄድ ተጠቅሷል። በሦስቱ ቀናት ውስጥ የቱሪዝም ኤክስፖ፣ የንግድና የፓናል ውይይት፣ የባህል ማስተዋወቅ፣ የሽልማት መርሃ ግብርና ሌሎችም ሁነቶች እንደሚካሄዱበት ተመልክቷል። ___ ሀሳብ እና‘ሳ‘ፍራለን
ምላሽ ይስጡ