“ደህንነቱ የተጠበቀ ክብካቤ ተላላፊ ላልሆኑ በሽታዎች” በሚል መሪ ቃል የዓለም ሕሙማን ደህንነት ቀን ተከበረ

መስከረም 07 ቀን 2019ዓ.ም.(መናኸሪያ ሬዲዮ) ኢትዮጵያን ጨምሮ በሁሉም የአፍሪካ ሀገራት እየተስፋፋ የመጣው ተላላፊ ያልሆኑ በሽታዎች ስርጭት፣ አሁን ላይ የተሻሻለ የሕክምና አገልግሎት ቢኖርም ችግሩ አሁንም እንደሚስተዋል ተገልጿል። የዘንድሮውን የዓለም የሕሙማን ደህንነት ቀን ስናከብር ሕሙማኑ ደህንነት እንዲሰማቸውና እንዲፈወሱ ከልብ መስራትን ያካትታል ያሉት የዘውዲቱ መታሰቢያ ሆስፒታል ሥራ አስኪያጅ ዶክተር ቴዎድሮስ አቡሌ፤ ሆስፒታሉ ባለፈው 2018 ዓ.ም ለከ640 በላይ ታካሚዎች የተኝቶ ታካሚ ሕክምና አገልግሎት ሲሰጥ እንደነበር ተናግረዋል፡፡ በዘንድሮው ዓመት ተላላፊ ያልሆኑ በሽታዎች ላይ በትኩረት ለመስራት እስከ ክልል ድረስ እንቅስቃሴ እየተደረገ መሆኑን በጤና ሚኒስቴር የበሽታዎች መከላከልና መቆጣጠር መሪ ሥራ አስፈፃሚ ዶ/ር ሕይወት ሰለሞን አስረድተዋል፡፡ ለ8ኛ ጊዜ የሚከበረው የዓለም የሕሙማን ደህንነት ቀን በኢትዮጵያ በዋናነት በደም ግፊት፣ በልብ ሕመም፣ በስኳር፣ በካንሰርና በሴቶች ላይ በሚከሰቱ ተላላፊ ያልሆኑ በሽታዎች ላይ እንደሚያተኩር አክለዋል። ተላላፊ ያልሆኑ በሽታዎች በሀገር አቀፍ ደረጃ የሚያስከትሉት ጉዳት በሀገሪቱ ምርታማነት ላይ ጫና ስለሚያሳድር ሚኒስቴሩ በትኩረት እንደሚሰራበትም ተመልክቷል። ___ ሀሳብ እና‘ሳ‘ፍራለን