የሰው ሠራሽ አስተውሎት ከመስፋፋቱ አስቀድሞ፣ ቴክኖሎጂውን የሚመራውን የሰው ሃይል ዝግጁነት መጠየቅ ይገባል ተባለ

ነሐሴ 28 ቀን 2018(መናኸሪያ ሬዲዮ) በፋይናንስ ዘርፍ የቴክኖሎጂ ለውጥና የሰው ኃይል ዝግጁነትን በሚመለከተው FinHuman 2026 መድረክ፣ የወደፊቱን የሥራ ዓለም ለመምራት የሰው ልጅን ክህሎትና አስተሳሰብ ማጠናከር እንደሚገባ አጽንዖት ተሰጥቷል። የኢትዮጵያ የፋይናንስ ዘርፍ ባለፉት ጥቂት ዓመታት ውስጥ ከባህላዊ የባንክ አሠራር ወደ ዲጂታል የፋይናንስ ሥርዓት ያደረገው ሽግግር፣ በሰው ሠራሽ አስተውሎት (Artificial Intelligence) ወደሚመራ ዓለም አቀፋዊ የቴክኖሎጂ ምዕራፍ እየተሸጋገረ እንደሚገኝ የሲናፕስ ኢትዮጵያ መስራች ኢ/ር ወንድሙ ነጋሽ የገለጹት በኢትዮጵያ የመጀመሪያው በሆነው የፋይናንስ የሰው ሃይል እና አመራር ፎረም መክፈቻ መድረክ ላይ ነው። የሰው ሠራሽ አስተውሎት የፋይናንስ ዘርፉን የአሠራር መሪነት በከፍተኛ ደረጃ እየቀየረው እንደሚገኝ አንስተው፤ ቴክኖሎጂው የቱንም ያህል ቢራቀቅ፣ በኃላፊነትና በልበ ሙሉነት ሊመራው የሚገባው የሰው ልጅ እንደሆነም አመላክተዋል። በዚህም “ስለ ሰው ሠራሽ አስተውሎት ከመነጋገራችን በፊት፣ ቴክኖሎጂውን ስለሚመራው የሰው ልጅ ተፈጥሯዊ ዝግጁነት መነጋገር ይኖርብናል” ብለዋል። __ ሀሳብ እና’ሳ’ፍራለን