አሜሪካ ከቬኔዙዌላ ጋር በዓለም ታሪክ ትልቁ የተባለውን የነዳጅ ስምምነት መፈረሟ ተገለጸ

ነሐሴ 23 ቀን 2018(መናኸሪያ ሬዲዮ) የአሜሪካው ፕሬዝዳንት ዶናልድ ትራምፕ ሀገራቸው ከቬኔዙዌላ ጋር በዓለም ታሪክ ትልቁ የሆነውን የነዳጅ ስምምነት መፈረሟን ይፋ አድርገዋል። በፕሬዝዳንቱ መመሪያ መሠረት የውጭ ጉዳይ ሚኒስትሩ ማርኮ ሩቢዮ እና የጦር ጉዳዮች ሚኒስትሩ ፒት ሄግሴዝ ከቬኔዙዌላው ጊዜያዊ ፕሬዝዳንት ዴልሲ ሮድሪጌዝ እንዲሁም ከግል ኩባንያ ጋር በመተባበር ባደረጉት ስምምነት አሜሪካ ከ65 ቢሊዮን ባሬል በላይ የሚሆነውን የቬኔዙዌላ የነዳጅ ተቀማጭ ሀብት በአብዛኛነት እንድትቆጣጠር አስችለዋል። ይህ ታሪካዊ ስምምነት ለአሜሪካ ግብር ከፋዮች ምንም አይነት ወጪ ሳያወጣ የአሜሪካን የነዳጅ ተቀማጭ ሀብት ከሁለት እጥፍ በላይ እንደሚያሳድገው ተገልጻል። በተጨማሪም የአሜሪካን የነዳጅ አቅርቦት በከፍተኛ ደረጃ በመጨመር ለረጅም ጊዜ የሚዘልቅ የነዳጅ ዋጋ ቅናሽ እንደሚያስገኝ ይጠበቃል። በሌላ በኩል ስምምነቱ ቬኔዙዌላን ወደ ታላቅ እድገት እና ብልጽግና በሚወስደው ጎዳና ላይ የሚያግዛት ከመሆኑም በላይ በሁለቱ ሀገራት መካከል ያለውን ግንኙነት ይበልጥ እንደሚያጠናክረው ፕሬዝዳንት ትራምፕ አስታውቀዋል። _ ሀሳብ እና’ሳ’ፍራለን