👉በቀን 12 ሚሊዮን ኪሎዋት ሰዓት በማከማቸት ለ2 ሚሊዮን አባወራዎች የኤሌክትሪክ ብርሃን የሚሰጠው ሜጋ ፕሮጀክት!
ሐምሌ 03 ቀን 2018(መናኸሪያ ሬዲዮ) የታዳሽ ኃይል ማመንጫዎችን ትልቁን የማከማቻ ፈተና የሚቀይር እጅግ ግዙፍ የውሃ ኃይል ማመንጫ ጣቢያ በቻይና ተራራማ ቀጠና ውስጥ እየተገነባ ይገኛል። ይህ ተቋም ልክ እንደ አንድ ታላቅ ባትሪ የሚያገለግል ሲሆን፣ በተለያዩ የከፍታ ደረጃዎች ላይ የተሰሩ ሁለት የውሃ ማጠራቀሚያ ገንዳዎችን (Reservoirs) በመጠቀም ንጹሕ ኢነርጂን የማከማቸት እና መልሶ የመልቀቅ አስገራሚ የቴክኖሎጂ ስራ ያከናውናል።
የኤሌክትሪክ ፍላጎት በከፍተኛ ሁኔታ በሚጨምርበት ወቅት ውሃው በውስጣዊ መተላለፊያ ዋሻዎች ውስጥ ቁልቁል እንዲፈስ በማድረግ ከፍተኛ የኤሌክትሪክ ኃይል ይመነጫል። በተቃራኒው የኃይል ፍላጎት በሚቀንስበት እና ትርፍ ኃይል በሚኖርበት ጊዜ ደግሞ፣ ውሃው በፓምፕ አማካኝነት በድጋሚ ወደ ላይኛው ማጠራቀሚያ ተለክቶ ለቀጣይ አገልግሎት ዝግጁ ሆኖ እንዲቀመጥ ይደረጋል።
ይህ ግዙፍ ፕሮጀክት በቀን ከ12 ሚሊዮን ኪሎዋት ሰዓት (kWh) በላይ የኤሌክትሪክ ኃይል ማከማቸት የሚችል ሲሆን፣ ይህም በአማካኝ ለ2 ሚሊዮን ገደማ አባወራዎች አስተማማኝ የኤሌክትሪክ አቅርቦት ለማድረስ ሙሉ በሙሉ በቂ ነው።
ግንባታው በፈረንጆቹ 2024 መጀመሪያ ላይ የተጀመረው ይህ ታላቅ የምህንድስና ውጤት፣ በዓለም አቀፍ ደረጃ ንጹሕ ኢነርጂን በሚያስፈልግበት ወቅት አከማችቶ ለመጠቀም ለሚደረገው ጥረት ታላቅ እመርታ ተደርጎ ተወስዷል።
__
ሀሳብ እና’ሳ’ፍራለን
ምላሽ ይስጡ