ቻይና ሰው ሰራሽ የሰው ልጅ ጽንስን(ሽል) ወደ ጠፈር ጣቢያዋ በመላክ ታሪካዊ ሙከራ አደረገች

 
ግንቦት 20 ቀን 2018(መናኸሪያ ሬዲዮ) የሰውን ልጅ ወደ ማርስ እና ጨረቃ ለማጓጓዝ እንዲሁም በህዋ ላይ በቋሚነት ለማስፈር ለሚደረገው ጥረት ትልቅ ምዕራፍ የተሻገረበት አስገራሚ ሙከራ ተደረገ። የቻይና ሳይንቲስቶች የሰው ልጅ በህዋ ላይ መባዛት (Human Reproduction) የሚችል መሆኑን እና አለመሆኑን በጥልቀት ለማጥናት በጥናት ላይ የተመሰረቱ ሰው ሰራሽ የሰው ልጅ ሽሎችን (Artificial Embryo Models) ወደ ቲያንጎንግ የጠፈር ጣቢያ ልከዋል።
 
ከግንድ ሴል (Stem Cell) የተሰሩት እነዚህ የሽል ሞዴሎች የሰው ልጅ ከተረገዘ ከ14 እስከ 21 ቀናት ባለው ጊዜ ውስጥ የሚያሳየውን እጅግ የመጀመሪያ ደረጃ የዕድገት ሂደት ሙሉ በሙሉ መኮረጅ የሚችሉ ናቸው። ሆኖም ግን እነዚህ ሞዴሎች ወደ እውነተኛ የሰው ልጅ ፅንስ ወይም ሙሉ ሰውነት ሊያድጉ የማይችሉ በመሆናቸው ምንም ዓይነት የስነ-ምግባር ጥያቄ እንደማያስነሱ ተመራማሪዎቹ አረጋግጠዋል።
 
ሳይንቲስቶቹ በዚህ ሙከራ በህዋ ላይ ያለው አነስተኛ የስበት ኃይል እና የኮስሚክ ጨረራ በሰው ልጅ የሴል ዕድገት፣ በጂን መገለጫዎች እና በውስጥ አካላት አወቃቀር ላይ የሚያሳድረውን ተፅዕኖ ለማወቅ ፈልገዋል።
 
ይህ ታሪካዊ ሙከራ ወደ ጠፈር የተላከው በቅርቡ በተኮሰችው ቲያንዙ-10 (Tianzhou-10) በተባለችው የጭነት መንኮራኩር አማካኝነት ሲሆን፣ ሙከራው እየተመራ ያለው በቻይና የሳይንስ አካዳሚ የስነ-ሕይወት ተቋም (Chinese Academy of Sciences’ Institute of Zoology) አማካኝነት ነው።
 
ሳይንቲስቶች እንዳረጋገጡት ይህ ሽል በህዋ ላይ እንዴት እንደሚንቀሳቀስና እንደሚያድግ የሚታወቅበት ሚስጥር፣ የሰውን ልጅ ወደፊት በጠፈር ጣቢያዎች ወይም በሌሎች ፕላኔቶች ላይ በቋሚነት ለማስፈርና አዳዲስ ቅኝ ግዛቶችን ለመመስረት ለሚደረገው ጉዞ እጅግ ወሳኝና የመጨረሻው ቁልፍ መረጃ ሆኖ ያገለግላል።
 __

ሀሳብ እና’ሳ’ፍራለን