እስራኤል የአየር መከላከያ ጋሻዋን ወደ ተባበሩት አረብ ኤምሬትስ ላከች

 
ግንቦት 04 ቀን 2018(መናኸሪያ ሬዲዮ) እስራኤል በቴክኖሎጂው ዓለም እጅግ ዘመናዊ እና ውጤታማ እንደሆነ የሚነገርለትን የ”አይረን ዶም” (Iron Dome) ሚሳይል መከላከያ ባትሪዎችን ወደ ተባበሩት አረብ ኤምሬትስ መላኳ ተሰማ። ይህንን አስገራሚ መረጃ ይፋ ያደረጉት በእስራኤል የአሜሪካ አምባሳደር ሲሆኑ፣ መከላከያ ስርዓቱ ከመሳሪያዎቹ ባሻገር ስራውን የሚያከናውኑ የሰለጠኑ ባለሙያዎችንም ያካተተ እንደሆነ ተገልጿል።
 
ይህ እርምጃ በሁለቱ ሀገራት መካከል ያለውን የጸጥታ እና የወታደራዊ ትብብር ወደ አዲስ ምዕራፍ ያሸጋገረ ክስተት ተደርጎ ተወስዷል። ተባበሩት አረብ ኤምሬትስ በተደጋጋሚ ከሚሰነዘሩባት የድሮን እና የሚሳይል ጥቃቶች ራሷን ለመከላከል በምታደርገው ጥረት፣ የእስራኤል አይረን ዶም ዋነኛ ጋሻ ሆኖ እንደሚያገለግል ይጠበቃል።
 
በቀጣናው ያለውን ወታደራዊ ሚዛን ይበልጥ ይቀይራል የተባለው ይህ ስምምነት፣ በተለይ በኢራን እና በደጋፊዎቿ ዘንድ ከፍተኛ ጥርጣሬን መፍጠሩ አልቀረም። የእስራኤል ሰራሽ የሆኑት እነዚህ መከላከያዎች በአረብ ምድር ላይ መተከላቸው በመካከለኛው ምስራቅ ታሪክ ታይቶ የማይታወቅ አዲስ ወታደራዊ ግንኙነት መፈጠሩን የሚያሳይ ማሳያ ሆኗል።
 __

ሀሳብ እና’ሳ’ፍራለን