መጋቢት 16 ቀን 2018(መናኸሪያ ሬዲዮ) በከባድ ኢንፌክሽን ምክንያት አፍንጫቸውን ላጣ ግለሰብ የተደረገው የህክምና ተዓምር በመላው ዓለም መነጋገሪያ ሆኗል።

የዘመናዊ ቀዶ ጥገና ባለሙያዎች የግለሰቡን ግንባር እንደ “ላብራቶሪ” በመጠቀም አዲስ አፍንጫ እዚያው ላይ እንዲበቅል በማድረግ ታሪክ ሰርተዋል።

ይህ ውስብስብ ሂደት የሰው ልጅን የሰውነት አካል በሌላ የሰውነት ክፍል ላይ መልሶ የመገንባት ጥበብ (Reconstructive Surgery) ምን ያህል እንደረቀቀ የሚያሳይ ትልቅ ማረጋገጫ ነው።

ዶክተሮቹ መጀመሪያ ከታካሚው የጎድን አጥንት ላይ የሚወሰድ የ cartilage ክፍልን በመቅረጽ የአፍንጫ ቅርጽ እንዲኖረው አድርገዋል። ይህ የተቀረጸው አጥንት በግንባር ቆዳ ስር እንዲቀበር ከተደረገ በኋላ፣ ልዩ በሆነ የቆዳ ማስፋፊያ ዘዴ ቆዳው እንዲለጠጥና አዲሱን ቅርጽ እንዲሸፍነው ተደርጓል።

ይህ ሂደት አዲሱ አፍንጫ የራሱን የደም ዝውውር ስርአት እንዲዘረጋና ጤናማ ቲሹ እንዲኖረው ለማድረግ ለወራት የፈጀ ጥንቃቄ የተሞላበት ስራ ተከናውኖበታል።

ግንባር ለዚህ ተግባር የተመረጠው የቆዳው ቀለም እና ውፍረት ከአፍንጫ ጋር ተመሳሳይነት ስላለው ብቻ ሳይሆን፣ አካባቢው ያለው የደም ዝውውር እጅግ ጠንካራ በመሆኑ አዲሱ አፍንጫ ሳይሞት ወደ ትክክለኛ ቦታው እንዲዛወር ስለሚረዳ ነው።

ይህ አስደናቂ የህክምና ስኬት በአደጋ ወይም በበሽታ ሰውነታቸውን ላጡ ወገኖች ትልቅ ተስፋን የፈነጠቀ ሲሆን፣ ሳይንስ እና ተፈጥሮ ተባብረው የሰውን መልክ መልሶ መገንባት እንደሚችሉ ያሳየ ድንቅ ክስተት ነው።
__

ሀሳብ እና’ሳ’ፍራለን

የህክምናጥበብ #አዲስአፍንጫ #ድንቅሳይንስ #ጤና #የፕላስቲክሰርጀሪ