“ሰው ያጣው ወጣት ሰርግ ወደ አስደናቂ የበጎ አድራጎት በዓል ተቀየረ!” — በሺዎች የሚቆጠሩ እንግዶች የደመቁበት ያልተጠበቀው የቻይና ሰርግ!

 
ጥቅምት 30 ቀን 2019(መናኸሪያ ሬዲዮ)በቻይና ዩናን ግዛት የሚኖረው የ24 ዓመቱ ሹ ቸንግሆንግ (Xu Chenghong) ህፃንነቱን ያሳለፈው ያለ ቤተሰብ ድጋፍ በመሆኑ፣ በሰርጉ ዕለት ጥቂት ጠረጴዛዎች እንኳን ይሞላሉ ወይ በሚል በትልቅ ስጋትና ጭንቀት ውስጥ ነበር። ተስፋ ባለመቁረጥም ምናልባት ጥቂት ደግ ሰዎች በሰርጉ ላይ ይገኙ ይሆናል በሚል እምነት በማህበራዊ ሚዲያ ጥሪ አስተላለፈ።
 
ሆኖም በዕለቱ የተከሰተው ነገር የሁሉንም ሰው ቀልብ የሳበ እና እጅግ አስደናቂ ነበር! የጥሪው መልእክት በኢንተርኔት ላይ በስፋት በመሰራጨቱ፣ ጥሪውን የተቀበሉ በሺዎች የሚቆጠሩ እንግዶች ከምግብ፣ ከቤት መገልገያ እቃዎች እና ከተለያዩ ውድ ስጦታዎች ጋር ወደ ሰርጉ ቦታ ፈሰሱ።
 
የመጡትን በርካታ እንግዶች አስተናግዶ ለማብላት ከ100 በላይ ሰዎች የተካተቱበት የበጎ ፈቃደኞች ምግብ አዘጋጅ ቡድን በፍጥነት የተዋቀረ ሲሆን፣ የታደመው ህዝብ ቁጥር ከአቅም በላይ በመሆኑም የሰርጉ ስነ-ስርዓት ወደ ትልቅ የአካባቢው ህዝብ አደባባይ እንዲዛወር ተደርጓል።
 
ይህ አጋጣሚ በማህበራዊ ሚዲያ አማካኝነት የሰው ልጅ ደግነትና መረዳዳት የጎላበት፣ እንዲሁም የብዙዎችን አንጀት የባረከ አነጋጋሪ ክስተት ሆኖ አልፏል።
 
 __

ሀሳብ እና’ሳ’ፍራለን