ኢራን በተራራ ውስጥ የተገነባ ግዙፍ የሮኬትና ሚሳይል ከተማ ይፋ አደረገች

 
ሕዳር 02 ቀን 2019(መናኸሪያ ሬዲዮ)የኢራን እስላማዊ አብዮታዊ ዘብ (IRGC) ከፍተኛ ወታደራዊ አዛዦች በተገኙበት በጠንካራ ተራራ ውስጥ ጥልቀት ባለው ቦታ የተገነባ ግዙፍ የከርሰ-ምድር ሚሳይል ከተማ ይፋ ማድረጉ ተገለፀ።
 
በዚህ ስፍራ ዘመናዊ ባሊስቲክ እና ክሩዝ ሚሳይሎች እንዲሁም የሮኬት ማስወንጨፊያ ስርአቶች ለዕይታ መቅረባቸው ተጠቅሷል። ማዕከሉ በድንገተኛ የአየር ጥቃት የጦር መሳሪያዎች እንዳይወድሙ ለመጠበቅ እና የመልሶ ጥቃት ዝግጁነትን ለማፋጠን የታለመ እንደሆነ ተመላክቷል።
 
በተራራው ውስጥ የሚገኙት የመሿለኪያ መስመሮች ሚሳይሎችን ለማከማቸት፣ ለመገጣጠም እና ወደ ማስወንጨፊያ ቦታዎች ለማጓጓዝ የሚያስችሉ ሲሆን፣ ዝግጅቱ ሚሳይሎችን ከመሬት ስር የማምረት አቅምን ያካተተ መሆኑ ተጠቅሷል።
 
በሌላ በኩል ተራራውን ሰንጥቆ የተሰራው ማዕከል የሳይበር፣ የኃይል አቅርቦት፣ የአየር ዝውውር እና የመግቢያ በሮች ባሉበት ውጫዊ ነጥቦች ላይ ተጋላጭነቶች ሊኖሩት እንደሚችሉ ተመላክቷል።
 
__

ሀሳብ እና’ሳ’ፍራለን