ሰሜን ኮሪያ በታክቲካል ሚሳይል ላይ የሚገጠም አዲስ የክላስተር ቦምብ ሞከረች

 
ሕዳር 02 ቀን 2019(መናኸሪያ ሬዲዮ) ሰሜን ኮሪያ በጥቅምት ወር ማጠቃለያ ላይ በታክቲካል ባሊስቲክ ሚሳይሎች ላይ የሚገጠም እና በሰፊ ቦታ ላይ የሚበታተን አዲስ የክላስተር (Cluster) ቦምብ የሙከራ ተኩስ ማድረጓ ተገልጿል።
 
የሀገሪቱ መንግስታዊ መገናኛ ብዙሃን እንደዘገቡት ከሆነ አዲሱ የጦር መሣሪያ ከ12 እስከ 13 ሄክታር በሚሸፍን ስፋት ላይ ጉዳት ማድረስ የሚችል ሲሆን እስከ አመቱ መጨረሻ ድረስ ለተለያዩ ወታደራዊ ክፍሎች የክላስተር ጦር መሣሪያዎችን ለማስታጠቅ ታቅዷል።
 
የክላስተር ቦምቦች ትናንሽ ፈንጂዎችን በሰፊ ቦታ ላይ የሚበትኑ በመሆናቸው በሰው ኃይል እና በመሰረተ ልማቶች ላይ ከፍተኛ ውድመት የሚያስከትሉ ሲሆን ሳይፈነዱ የሚቀሩ ፍንጣቂዎች ከውጊያ በኋላም ለረጅም ጊዜ ስጋት ስለሚሆኑ በሰብአዊ መብት ተሟጋቾች ዘንድ ከፍተኛ ስጋት ይፈጥራሉ።
 
ሙከራው ሰሜን ኮሪያ የሚሳይል አቅሟን ለማስፋፋት የምታደርገው ጥረት አካል እንደሆነ ቢገለፅም የመንግስት መገናኛ ብዙሃኑ ስለ ጦር መሣሪያው ውጤታማነት እና ስርጭት ያወጡት መረጃ በገለልተኛ አካል አልተረጋገጠም።
 
__

ሀሳብ እና’ሳ’ፍራለን