መስከረም 14 ቀን 2019 ዓ.ም (መናኸሪያ ሬዲዮ) መስከረም 17 ቀን የሚከበረውን የመስቀል በዓል ለመታደም እና ሀገሪቷን ለመጎብኘት የሚመጡ ቱሪስቶች በተለያዩ አካባቢዎች የሚገኙ የቱሪዝም መዳረሻዎችን እንዲጎበኙ ቅድመ ዝግጅት ማድረጉን የኢትዮጵያ ቱሪስት አስጎብኚ ባለሙያዎች ማህበር ለመናኸሪያ ሬዲዮ አስታውቋል። የመስቀል በዓል በኢትዮጵያ ከሚከበሩ ታላላቅ ሃይማኖታዊ እና ባህላዊ በዓላት አንዱ በመሆኑ፣ ለጎብኚዎች የበዓሉን ሥርዓቶች እንዲሁም የሀገሪቱን ባህል፣ ትውፊት እና እሴቶች በስፋት ለማስተዋወቅ ቅድመ ዝግጅት ማድረጉን የማህበሩ ዋና ፀሐፊ አቶ ፋሲል አበበ ገልጸዋል ። በዓሉን ለማክበር የሚመጡ ቱሪስቶች የመስቀል በዓልን ሃይማኖታዊ ሥርዓት በሚገባ እንዲረዱ እና የሀገሪቱን መልካም ገጽታ በሚያሳይ መልኩ ባለሙያዎቹ የማስጎብኘት አገልግሎት እንዲሰጡ ቅድመ ውይይት መደረጉንም አብራርተዋል። ከዚህም በተጨማሪ ቱሪስቶች አዳዲስ መዳረሻዎችን እንዲጎበኙ እና በአጠቃላይ በዓሉ ወደሚከበርባቸው የሀገሪቱ ክፍሎች እንደሚወስዷቸው ጠቅሰዋል። የቱሪስቶች ወደ ሀገር ውስጥ መምጣት ከኢኮኖሚ ፋይዳው ባለፈ ሀገሪቱን በዓለም አቀፍ ደረጃ ለማስተዋወቅ የሚረዳ በመሆኑ፣ ባለሙያዎቹ ሙያውን በተከተለ መንገድ አገልግሎት እንደሚሰጡ ገልጸዋል፡፡ ማህበሩ ከቱሪዝም ሚኒስቴር እና ከሚመለከታቸው አካላት ጋር በመሆን የመስቀል በዓልን እንዲሁም አብሮ የሚከበረውን ዓለም አቀፍ የቱሪዝም ቀንን ለማክበር በጋራ እየሰራ እንደሚገኝም ተገልጿል። ___ ሀሳብ እና‘ሳ‘ፍራለን
ምላሽ ይስጡ