መስከረም 12 ቀን 2019 ዓ.ም (መናኸሪያ ሬዲዮ) በደቡብ ኢትዮጵያ ክልል “ቦረዳ ወረዳ” የድንጋይ ከሰል ማምረትና ማጠብ ሥራ ላይ የተሰማራው ዮ ሆልዲንግ፣ አሁን ላይ በሀገር ውስጥ ያለውን የድንጋይ ከሰል ፍላጎት ሙሉ በሙሉ ለመሸፈን እየሠራ መሆኑን የዮ ሆልዲንግ መሥራችና ሥራ አስኪያጅ አቶ መኮንን ዓለሙ ገልጸዋል። በኢትዮጵያ የመጀመሪያ የሆነውና በጋምቤላና በደቡብ ኢትዮጵያ ክልሎች ውስጥ በድንጋይ ከሰል ምርት የተሰማራው ዮ ሆልዲንግ፣ በኢትዮጵያ ውስጥ ያሉ የሲሚንቶ ፋብሪካዎች ለኃይል ይጠቀሙበት የነበረውን የከሰል ግብዓት ከውጭ በውጭ ምንዛሬ ያስመጡ እንደነበር ተናግረዋል። የዮ ሆልዲንግ የድንጋይ ከሰል ማምረቻና ማጠቢያ አሁን ላይ ወደ 70 በመቶ ለሚሆኑ የሲሚንቶ ፋብሪካዎች ምርቱን እንደሚያቀርብ አቶ መኮንን ገልጸዋል። ዮ ሆልዲንግ በጋምቤላና በደቡብ ኢትዮጵያ ውስጥ ባለው ፋብሪካው በቀን ከ400 ቶን በላይ የሚያመርት ሲሆን፣ የማምረት አቅሙም በየዓመቱ እየጨመረ በመሄዱ የሀገር ውስጥ ፍላጎትን ለማሟላት እየተሠራ መሆኑን አክለዋል። ፋብሪካው በዓመት ውስጥ ከ1 ነጥብ 5 ሚሊዮን ቶን ያላነሰ የድንጋይ ከሰል ምርት የሚያመርት ሲሆን፣ በቀጣይ 2 ተመሳሳይ ፋብሪካዎችን ለመገንባት እንደታቀደና ከኬንያ ጀምሮ ወደ ጎረቤት ሀገራት ለመላክ በዝግጅት ላይ መሆኑን አስታውቀዋል። ዮ ሆልዲንግ ቋሚና ጊዜያዊ ሠራተኞችን ጨምሮ ከ500 እስከ 700 ለሚሆኑ ዜጎች የሥራ ዕድል ፈጥሯል ተብሏል። ___ ሀሳብ እና‘ሳ‘ፍራለን
ምላሽ ይስጡ