መስከረም 07 ቀን 2019ዓ.ም.(መናኸሪያ ሬዲዮ) የኢትዮጵያ ሚቴዎሮሎጂ ኢንስቲትዩት ያለፈውን የክረምት ወቅት የአየር ጠባይ ግምገማ እና የበጋ ወቅት የአየር ጠባይ አዝማሚያ ይፋ የሚደረግበት መድረክ በዛሬው ዕለት አካሂዷል። ግምገማው የትንበያ ጥራትን፣ ተደራሽነትንና ተጠቃሚነትን ለማሻሻል የሚያግዙ አቅጣጫዎችን ለመለየት እድል የሚፈጥር በመሆኑ፣ በተለያዩ የኢትዮጵያ አካባቢዎች ሊከሰቱ የሚችሉ የአየር ሁኔታዎችን ቀድሞ ግንዛቤ እንዲኖር በማድረግ ተገቢ ዝግጅትና የምላሽ እርምጃ መወሰድ እንዳለበት የገለጹት የኢንስቲትዩቱ ዋና ዳይሬክተር እና በዓለም ሚቴዎሮሎጂ ድርጅት የአፍሪካ አህጉር ፕሬዝዳንት ዶ/ር ፈጠነ ተሾመ ናቸው። በመድረኩ የ2018 ክረምት ወራት የዝናብ ስርጭት እና የነበሩ ተጽዕኖዎች፣ እንዲሁም የ2019 የበጋ የአየር ሁኔታ ትንበያ ይፋ ተድርጓል። በአብዛኛው የሀገሪቱ ስፍራዎች ላይ የቀኑ ከፍተኛ የሙቀት መጠን ከመደበኛ በላይ እንደሚሆን የኢንስቲትዩቱ የትንበያ መረጃ ጠቅሷል። ከህዳር አጋማሽ ጀምሮ በሰሜን ምስራቅ፣ በመካከለኛው እና በምስራቅ የሀገሪቱ አካባቢዎች የቀኑ ዝቅተኛ የሙቀት መጠን ከ5 ዲግሪ ሴልሺየስ በታች እንደሚሆን ተነስቷል። በአርብቶ አደር እና ከፊል አርብቶ አደር አካባቢዎች በበጋ ወቅት የሚከናወኑ የግብርና ስራዎችን ለማከናወን እጅግ ከፍተኛ ጠቀሜታ ይኖረዋል ተብሏል። የውሃ አቅርቦትን ከማሻሻል አንጻርም ከፍተኛ አስተዋጽኦ እንደሚያበረክት ተገልጿል። በሰሜን፣ በሰሜን ምስራቅ እና በምስራቅ የሀገሪቱ ስፍራዎች ላይ የሚጥለው ወቅቱን ያልጠበቀ ዝናብ በሚሰበሰቡ እና በደረሱ ሰብሎች ላይ ጉዳት ሊያደርስ እንደሚችልም ተጠቁሟል። ___ ሀሳብ እና‘ሳ‘ፍራለን
ምላሽ ይስጡ