የቻይናው Z-19 የጦር ሄሊኮፕተር በውጊያ ሜዳ የሰው አልባ ድሮኖች መቆጣጠሪያ ማዕከል ሊሆን እንደሚችል ተጠቆመ

ነሐሴ 07 ቀን 2018 (መናኸሪያ ሬዲዮ) የቻይና ህዝብ ነፃ አውጪ ጦር በዘመናዊ የጦር አቪዬሽን ስልቱ «Manned-Unmanned Teaming» (MUM-T) በመባል የሚታወቀውን የሰው ኃይል እና የሰው አልባ ድሮኖችን አጣጥሞ የመጠቀም ስርዓት በስፋት እየተገበረ ይገኛል። የቻይናው ሃርቢን Z-19 (Harbin Z-19) ቀላል የቅኝት እና የጥቃት ሄሊኮፕተርም ለወደፊቱ የሰው አልባ ድሮኖች የአየር ላይ መቆጣጠሪያ ማዕከል ሆኖ የማገልገል አቅም እንዳለው ተጠቁሟል።

Z-19 በዋናነት ለስለላ፣ ለቅኝት እና ለቀላል ጥቃት አገልግሎት የተሰራ ቢሆንም፣ ባለው ዘመናዊ የራዳር ስርዓት፣ የፍሊር (FLIR) ሴንሰሮች እና ፈጣን የመረጃ ልውውጥ አቅም ምክንያት በውጊያ ወቅት ከፊት ለፊት የሚሰማሩ ድሮኖችን ከሩቅ ሆኖ ለመምራት ተመራጭ አድርጎታል።

ይህ አሰራር ሄሊኮፕተሯ ወደ አደገኛ የውጊያ ቀጠና ሳትገባ በሩቅ ሆና ድሮኖችን ወደ ፊት በመላክ መረጃ እንድትሰበስብ፣ የጠላት ግቦችን እንድታለማምድ እና ለከበደ የጥቃት ሄሊኮፕተሮች ወይም ለምድር መድፎች ትክክለኛ መረጃ እንድታስተላልፍ ያስችላታል።

የሰው አልባ ድሮኖች እና የሰው ኃይል ያላቸው አውሮፕላኖችን አጣጥሞ የመጠቀም ቴክኖሎጂ በዓለም አቀፍ ደረጃ በስፋት እየተገበረ ያለ ሲሆን፣ የቻይና Z-19 ሄሊኮፕተርም በወደፊቱ የውጊያ ሜዳ ላይ ለብቻዋ ከምትዋጋ ይልቅ የጠቅላላ ውጊያ ስርዓት አስተባባሪ ማዕከል ሆና እንደምትሰራ ይጠበቃል።

__

ሀሳብ እና’ሳ’ፍራለን