የአሜሪካ መንግሥት ሥራ መቋረጥ አደጋ ሊገጥመው እንደሚችል ዋይት ሃውስ አስታወቀ

መስከረም 21 ቀን 2018(መናኸሪያ ሬዲዮ) የዩናይትድ ስቴትስ ዋይት ሃውስ፣ የፌዴራል ሴኔት የፌዴራል ኤጀንሲዎች ወጪ የሚሸፍነውን ረቂቅ ሕግ (Spending Bill) በጊዜው ማፅደቅ ባለመቻሉ፣ ሀገሪቱ በቅርቡ ወደ መንግሥት ሥራ መቋረጥ (Government Shutdown) ውስጥ እንደምትገባ በይፋ አረጋግጧል።

ይህ ሁኔታ በቢሊዮን የሚቆጠሩ የመንግሥት ሠራተኞችን እና የአሜሪካን ሕዝብ አገልግሎቶች ላይ ከፍተኛ ተፅዕኖ እንደሚፈጥር ይጠበቃል።

የመንግሥት ሥራ መቋረጡ ዋና ምክንያት የሁለቱም ፓርቲዎች (ሪፐብሊካን እና ዲሞክራት) ተወካዮች አዲስ የበጀት ዓመት ከመጀመሩ በፊት በገንዘብ ድልድል ላይ ስምምነት ላይ መድረስ ባለመቻላቸው ነው።

በአሜሪካ ሕግ መሠረት፣ ኮንግረስ የፌዴራል ኤጀንሲዎችን ሥራ ለማስቀጠል የሚያስችል አዲስ የወጪ ረቂቅ ሕግ ወይም ጊዜያዊ የገንዘብ ድጋፍ (Continuing Resolution) ሳያፀድቅ ቀሪ ገንዘቡ ሲያልቅ፣ የመንግሥት ሥራዎች እንዲቋረጡ ይደረጋል።

በመንግሥት ሥራ መቋረጥ ወቅት በአስፈላጊነት ደረጃ ያልተመደቡ በሺዎች የሚቆጠሩ የመንግሥት ሠራተኞች ከሥራ እረፍት እንዲወስዱ ሊደረግ ይችላል ተብሏል።

አስፈላጊ በሆኑ ዘርፎች (እንደ ብሔራዊ ደህንነት፣ የአየር ትራፊክ ቁጥጥር፣ ድንበር ጥበቃ) የሚሠሩ ሠራተኞች ደግሞ ያለክፍያ ሥራቸውን እንዲቀጥሉ ይገደዳሉ ተብሏል።

ብዙ ብሔራዊ ፓርኮች እና ሙዚየሞች ይዘጋሉ። አንዳንድ የፌዴራል ፈቃድ መስጫ እና ምርመራ አገልግሎቶች ይስተጓጎላሉ ነው የተባለው።

የፌዴራል ብድር አመዳደብ (loan processing)፣ ለአነስተኛ ንግዶች የሚደረጉ የገንዘብ ድጋፎች እና አንዳንድ የስታቲስቲክስ መረጃ አሰባሰብ ሥራዎች በመዘግየታቸው በሀገሪቱ ኢኮኖሚ ላይ ጫና ይፈጥራል ተብሏል።

ምንም እንኳን ወሳኝ የሆኑ እንደ የአደጋ ጊዜ የሕክምና አገልግሎቶች እና የፖስታ አገልግሎት ያሉ ነገሮች ባይቆሙም፣ ሌሎች እንደ የምግብ እና መድኃኒት ምርመራ የመሳሰሉ አስፈላጊ የቁጥጥር ሥራዎች ፍጥነት ሊቀንስ ይችላልም ተብሏል።

ዋይት ሃውስ የሥራ መቋረጥን ለመከላከል ኮንግረስ አሁንም በቀሪዎቹ ሰዓታት ውስጥ ስምምነት ላይ እንዲደርስ ጥሪውን አጠናክሮ ቀጥሏል። የሥራ መቋረጡ ከተጀመረ በኋላ፣ ሥራው እንዲቀጥል የሚያስችል ረቂቅ ሕግ በኮንግረስ እስከሚፀድቅ ድረስ የፌዴራል ኤጀንሲዎች መዘጋታቸው ይቀጥላል።

ቀደም ባሉት ጊዜያት የሥራ መቋረጦች ለቀናት ወይም ለሳምንታት ሊቆዩ ይችላሉ።

ይህ ሁኔታ በአሜሪካ የፖለቲካ ውስጥ ውጥረት መኖሩን የሚያሳይ ሲሆን፣ የሁለቱ ፓርቲዎች አለመግባባት በቀጥታ በዜጎች ሕይወት ላይ ተፅዕኖ እያሳደረ እንደሚገኝ ተመላክቷል።

የቴሌግራም ቻናላችን ይቀላቀሉ 👉 https://t.me/menaharia_fm

__

ሀሳብ እና’ሳ’ፍራለን 📞

👉011-639-28-52
👉011-639-37-63
(https://stream.zeno.fm/yw8poig9iwtuv)
የቀጥታ ስርጭት 🔊 👉  https://zeno.fm/radio/menahria-99-1-3pw1/ (https://stream.zeno.fm/yw8poig9iwtuv)