ጥቅምት 30 ቀን 2019(መናኸሪያ ሬዲዮ)ቤትዎ ጠቦብዎት ተጨማሪ ክፍል ለመገንባት ማሰብ ብቻውን በሲሚንቶ፣ በአሸዋ፣ በጡብ እና በወራት የግንባታ ጫጫታ የታጀበ አስጨናቂ ሂደት ሆኖ ይታሰባል። አሁን ግን ይህንን የቆየ አሰራር ሙሉ በሙሉ የሚቀይር አስደናቂ ዘመናዊ ቴክኖሎጂ መጥቷል!
«ኦፐስ ፖድ» (Opus Pod) የተባለ የኔዘርላንድስ ኩባንያ ሙሉ በሙሉ በፋብሪካ ውስጥ የተገጣጠሙ ውብና ዘመናዊ ተንቀሳቃሽ ክፍሎችን እያመረተ ለገበያ አቅርቧል። የዚህ ቴክኖሎጂ ዋና አስደናቂ ነገር ክፍሎቹ በግቢዎ ውስጥ በድንጋይና በሲሚንቶ የሚገነቡ ሳይሆን፣ በፋብሪካ ውስጥ ተሰርተውና ሙሉ በሙሉ ተጠናቀው በቀጥታ በጭነት መኪና ወደ እርስዎ ግቢ የሚመጡ መሆናቸው ነው። በክሬን ታግዘውም በሚፈለገው ቦታ ላይ በቀላሉ ያርፋሉ።
እነዚህን ክፍሎች በፋብሪካ ውስጥ ለማዘዝ፣ ለመንደፍና ለማምረት ከ12 እስከ 16 ሳምንታት የሚፈጅ ቢሆንም፤ ወደ መኖሪያ ግቢ መጥተው የሚተከሉበት እና የኤሌክትሪክ እንዲሁም የሌሎች መገልገያዎች መስመር የሚገናኝበት የመጨረሻው ምዕራፍ ግን ከ24 ሰዓት ባነሰ ጊዜ ውስጥ ወይም በአንድ የሥራ ቀን ውስጥ ይጠናቀቃል!
ይህም ማለት ያለምንም የግንባታ ጫጫታ፣ አቧራ እና የፍርስራሽ ውጣ ውረድ በአንድ ጀምበር ውስጥ ሙሉ ለሙሉ ለአገልግሎት ዝግጁ የሆነ ተጨማሪ መኝታ ቤት፣ ቢሮ ወይም የመዝናኛ ክፍል ማግኘት ይቻላል ማለት ነው።
__
ሀሳብ እና’ሳ’ፍራለን
ምላሽ ይስጡ