በምግብ ላይ የሚቀመጡ ዝንቦች በሽታ የማስተላለፍ አደጋቸው ምን ያህል ነው?

ጥቅምት 09 ቀን 2019 (መናኸሪያ ሬዲዮ)፡- በዝንቦች ምክንያት በሚከሰት የተበከለ ምግብ አጠቃቀም አማካኝነት ለተለያዩ የሆድ እና የአንጀት ህመሞች የመጋለጥ እድል ከፍተኛ መሆኑን የህክምና ባለሙያዎች አስጠነቀቁ።
 
በሳይንሳዊ እና ህክምና መረጃዎች እንደሚያመለክቱት፡ ዝንቦች ምግብ ላይ ሲያርፉ የሚበሉትን ነገር ለማለስለስ እና ለመዋጥ እንዲመች በሚያደርጉት የተፈጥሮ ሂደታቸው ወቅት የምራቅና የጨጓራ ፈሳሾቻቸውን ምግብ ላይ ይተፋሉ። በዚህም ምክንያት ከቆሻሻ ቦታዎች ይዘዋቸው የሚመጧቸውን ባክቴሪያዎች፣ ቫይረሶች እና ጥገኛ ተህዋስያንን በቀጥታ ወደ ምግቡ ያስተላልፋሉ።
 
እነዚህ ተህዋስያን ወደ ምግብ ውስጥ በሚገቡበት ወቅት እንደ ታይፎይድ፣ ኮሌራ እና የተለያየ ዓይነት የሆድ እጥበት እና ተቅማጥ ያሉ አጣዳፊ በሽታዎችን እንደሚያስከትሉ በህክምና ዘገባዎች ተመልክቷል።
 
የህክምና ባለሙያዎች እንደሚያስገነዘቡት ከሆነ የተከፈቱ ምግቦችን እና መጠጦችን በስርዓት መሸፈን፣ የምግብ ማዘጋጃ ቦታዎችን ንጽህና መጠበቅ እና ዝንብ ያረፈበትን ያልተሸፈነ ምግብ ከመመገብ መቆጠብ ከጤና ችግሮች ለመጠበቅ አስፈላጊ ነው ተብሏል።
 
__

ሀሳብ እና’ሳ’ፍራለን