የቀድሞው የማንቸስተር ዩናይትድ አንጋፋ ተጫዋች ጋሪ ኔቪል የቀድሞ የቡድን አጋሩ እና የአሁኑ የማንቸስተር ዩናይትድ አሰልጣኝ ማይክል ካሪክ ላይ ከባድ ትችት ሰንዝሯል

መስከረም 12 ቀን 2019 ዓ.ም (መናኸሪያ ሬዲዮ) የቀድሞው የማንቸስተር ዩናይትድ ተከላካይ እና የስፖርት ተንታኝ ጋሪ ኔቪል በፉልሃም ጨዋታ ወቅት በማይክል ካሪክ ቡድን ላይ ከባድ ትችት የሰነዘረ ሲሆን፣ ማንቸስተር ዩናይትዶች በሜዳ ውስጥ በሚያሳዩት እጅግ ዝግ ያለ አካሄድ እና የፍላጎት ማነስ ከቀጠሉ በአሰልጣኝ ካሪክ ስር ምንም አይነት ስኬት ማሳካት እንደማይችሉና ቡድኑም የትም እንደማይደርስ አፅንኦት ሰጥቶ ተናግሯል። ኔቪል በክራቨን ኮቴጅ በነበረው ጨዋታ የዩናይትድ ተጫዋቾች በሜዳ ላይ ሲራመዱ የታዩበትን የመጀመሪያዎቹን 15 ደቂቃዎች እሱ ከተመለከታቸው “እጅግ አሳዛኝ እና ከፉ 15 ደቂቃዎች” ሲል የጠራቸው ሲሆን፣ ቡድኑ ያለው የጨዋታ ተነሳሽነት ዝቅተኛ መሆን አሳሳቢ እንደሆነ አፅንኦት ሰጥቶ ተናግሯል። በጨዋታው የመጀመሪያ አጋማሽ በማጥቃት ላይ ያተኮረ እንቅስቃሴ ቢታይምና በሁለቱ ክለቦች በድምሩ 26 የግብ ሙከራዎች ቢደረጉም፣ የመጀመሪያው አጋማሽ 0-0 በሆነ አቻ ውጤት ተጠናቋል። በዚሁ አጋማሽ የዩናይትዱ የክንፍ አጥቂ ማርከስ ራሽፎርድ ሁለት ወሳኝ የግብ እድሎችን ሳይጠቀምባቸው የቀረ ሲሆን፣ የፉልሃሙ ግብ ጠባቂ በርንድ ሌኖ በበኩሉ ሁለት ድንቅ ኳሶችን በማዳን የዩናይትድን ሙከራዎች አክሽፏል። ጨዋታው በአቻ ውጤት መጠናቀቁን ተከትሎ ማንቸስተር ዩናይትድ ሊጉ ከተጀመረ ባደረጋቸው 5 ጨዋታዎች 5 ነጥብ በመሰብሰብ 12ኛ ደረጃ ላይ ለመቀመጥ ተገዷል። ___ ሀሳብ እና‘ሳ‘ፍራለን