የቦሮ ሺናሻ ብሔረሰብ የአዲስ ዓመት መለወጫ ጋሪ ዎሮ በአዲስ አበባ ከተማ ለአራተኛ ጊዜ ተከበረ

መስከረም 10 ቀን 2019 ዓ.ም. (መናኸሪያ ሬዲዮ) እንደ ክልል በቤኒሻንጉል ጉሙዝ ክልል አራቱ የብሔረሰቡ ዞኖችና ወረዳዎች ለ15ኛ ጊዜ የሚከበር ሲሆን በአዲስ አበባ ደግሞ ለአራተኛ ጊዜ መከበሩን የቤኒሻንጉል ጉምዝ ምክር ቤት ዋና አፈ ጉባኤ ወ/ሮ አስካለች አልጎሪ ተናግረዋል። የቦሮ ሺናሻ ብሔረሰብ እንደ ሀገር እንዳለው አቆጣጠር ሁሉ 13ቱን ወራቶች መሰረት ያደረገ እንደሆነና በመስከረም ዘመንና ወቅት ተፈጥሮን ተከትሎ እንደሚከበር ተገልጿል። የጋሮ በዓል ያለ ጾታ ፣ እድሜ፣ ሃይማኖትና ብሔር ልዩነት የሚከበር መሆኑ ከሌሎች በዓላት ልዩ እንደሚያደርገው ተገልጿል። በዓሉ በአባቶች ተመርቆ በተመረጠው ጋሪ ጀባ ወይም የጋሮ አደባባይ ላይ እንደሚከበርም አባቶች ገልጸዋል። ጋሮ ዎሮ የአዲስ ዓመት መቀበያ ብቻ ሳይሆን የይቅርታ እና የሰላም እንዲሁም የአንድነት በዓል መሆኑን ዋና አፈ ጉባኤዋ ወ/ሮ አስካለች አልጎሪ ተናግረዋል። እንደ ሀገር ሕብረብሔራዊነትን በአንድነትና በከፍታ እንዲሁም በጋራ ለማስቀጠል መሰል በዓላትን በሀገሪቱ መዲና ጭምር በድምቀት ማክበር ጠቃሚ መሆኑን በክብረ በዓሉ መድረክ ላይ ባህልና ስፖርት ሚኒስቴርን ወክለው የተገኙት ከፍያለሁ አብዲሳ ተናግረዋል። በዓሉ እስከ መስከረም 18 ቀን መከበሩ እንደሚቀጥል ተናግረዋል። ___ ሀሳብ እና‘ሳ‘ፍራለን