አውስትራሊያ ከእሙ አእዋፍ ጋር ያደረገችውና በሽንፈት የተጠናቀቀው አስገራሚው “የእሙ ጦርነት”

 
ነሐሴ 22 ቀን 2018(መናኸሪያ ሬዲዮ) በታሪክ ሰነዶች ውስጥ ሰፍረው ከሚገኙ እጅግ አጃኢብ የሚያስብሉ ክስተቶች መካከል አውስትራሊያ በ1932 እ.ኤ.አ ከሰራዊቷ በተጨማሪ መግደያ መሳሪያዎችን በመታጠቅ ከግዙፎቹ የእሙ (Emu) አእዋፍ ጋር ያደረገችውና ሳይሳካላት የቀረው ወታደራዊ ዘመቻ አንዱ ነ
 
በወቅቱ በሺዎች የሚቆጠሩ እሙዎች በምዕራብ አውስትራሊያ የሚገኙ የእርሻ ማሳዎችን በመውረር የገበሬዎችን ሰብል ያወደሙ፣ አጥር ያፈረሱ እና ከፍተኛ ውድመት ያደረሱ በመሆናቸው መንግስት ወታደሮቹን ከባድ መካነ-መድፎችና መሣሪያዎች አስታጥቆ ዘመቻ አስጀምሮ ነበር።
 
ነገር ግን ወታደሮቹ አእዋፉን በቀላሉ ለማጥፋት አቅደው ቢነሱም፣ የእሙ አእዋፍ በከፍተኛ ፍጥነት የመሮጥ፣ የመበታተን እና የተኩስ አቅጣጫን የማዞር አስደናቂ ችሎታ በማሳየታቸው ዘመቻው ሳይሳካ ቀርቷል።
 
ብዙ በጥይት የተመቱት አእዋፍ እንኳን ሳይወድቁ ማምለጣቸውን ተከተሎ፣ በርካታ ጥይቶች በከንቱ መባከናቸውን የተረዱት ከፍተኛ ወታደራዊ አዛዦች ዘመቻውን በአጭሩ ለማቆም እና ወታደሮቻቸውን ለማስወጣት ተገደዋል።
 
ይህ ታሪካዊ ክስተት ዛሬ ላይ “የእሙ ጦርነት” (Emu War) በመባል የሚታወቅ ሲሆን፣ የሰው ልጅ ከተፈጥሮ ጋር ባደረገው ፍልሚያ ያልተጠበቀ ሽንፈት አስተናግዶ የተመለሰበት አስቂኝ እና ድንቅ የታሪክ አጋጣሚ ሆኖ ይወሳል።
__

ሀሳብ እና’ሳ’ፍራለን