🛩 የድምፅ ፍጥነትን የሚቀድም አዲስ አብዮት፦ ሩሲያ የአቪዬሽን ታሪክን የሚቀይር የመንገደኞች አውሮፕላን ልታመርት ነው!

 
ሰኔ 01 ቀን 2018(መናኸሪያ ሬዲዮ) የአቪዬሽን ታሪክን በአዲስ መልክ ለመቀየር ሩሲያ የድምፅ ፍጥነትን የሚቀድም (Supersonic) ቀጣይ ትውልድ የመንገደኞች አውሮፕላን የማምረት እቅዷን ይፋ አድርጋለች። ሀገሪቱ ከፍተኛ ፍጥነት ያለውን የንግድ አቪዬሽን ዘርፍ በድጋሚ ለማነቃቃት በወሰደችው እርምጃ፥ የመጀመሪያው የሙከራ አምሳያ በአሁኑ ወቅት በልማት ላይ እንደሚገኝ ተገልጿል።
 
ይህ አዲስ ፕሮጀክት እጅግ ከፍተኛ ፍጥነትን ከዘመናዊ ደህንነት እና ከአካባቢ ጥበቃ መስፈርቶች ጋር አጣጥሞ ለመጓዝ ያለመ ነው። ይህም ቀደም ሲል የነበሩትን የሱፐርሶኒክ መንገደኞች አውሮፕላኖች ፍላጎት ገድበው የነበሩ በርካታ ፈተናዎችን ለመፍታት ያስችላል ተብሏል። በአሁኑ ወቅት ተመራማሪዎች ትኩረታቸውን ያደረጉት ለወደፊት መንገደኞች ምቹ እና በንግድ ረገድ አዋጭ የሆነ አውሮፕላን መፍጠር ላይ ነው።
 
ይህ አዲስ ጄት ስኬታማ ከሆነ የጉዞ ጊዜን በከፍተኛ ሁኔታ በመቀነስ በአቪዬሽን ዘርፍ ላይ ግዙፍ እመርታ የሚያስመዘግብ ሲሆን፥ የሱፐርሶኒክ የንግድ የአየር ትራንስፖርት አገልግሎትንም ወደ አዲስ ምዕራፍ ያሸጋግረዋል ተብሎ በጉጉት ይጠበቃል።
 
ዓለም አቀፉን የንግድ አቪዬሽን ሙሉ በሙሉ ሊቀይር የሚችል እጅግ አስገራሚ ዜና ተሰምቷል! ሩሲያ የድምፅ ፍጥነትን የሚቀድም ቀጣይ ትውልድ የመንገደኞች አውሮፕላን ለመስራት የመጀመሪያውን የሙከራ አምሳያ ማዘጋጀት ጀምራለች።
 
ይህ አውሮፕላን የጉዞ ጊዜን በከፍተኛ ሁኔታ ከመቀነሱም በላይ፥ ቀደም ሲል በነበሩት የሱፐርሶኒክ አውሮፕላኖች ላይ ይታዩ የነበሩትን የደህንነት እና የአካባቢ ጥበቃ ክፍተቶች ሙሉ በሙሉ ለመፍታት እጅግ ዘመናዊ ቴክኖሎጂዎችን አጣጥሞ እንደሚይዝ ተጠቁሟል።
 
 __

ሀሳብ እና’ሳ’ፍራለን