የተፈጥሮ ድንቅ ምህንድስና፦ 40 ሺህ ጡንቻዎች ያሉት ዝሆን እና አስገራሚው ቱምቢ!

 
ግንቦት 04 ቀን 2018(መናኸሪያ ሬዲዮ) በዱር እንስሳት ዓለም ውስጥ እንደ ዝሆን ስንጥቅ (trunk) ወይም ቱምቢ በሚል የሚጠራው አስገራሚና ሁለገብ የአካል ክፍል ማግኘት እጅግ አዳጋች ነው። ሳይንቲስቶች “የተፈጥሮ ምህንድስና ጥበብ” ብለው የሚጠሩት ይህ አካል፣ እጅግ ግዙፍ ጥንካሬንና እጅግ ረቂቅ ጥንቃቄን በአንድ ላይ አጣምሮ የያዘ ድንቅ መሣሪያ ሆኖ ተገኝቷል።
 
በአንድ ዝሆን ስንጥቅ ውስጥ ብቻ ወደ 40 ሺህ የሚጠጉ ጡንቻዎች እንደሚገኙ የተረጋገጠ ሲሆን፣ ይህም ዝሆኑ ትላልቅ ዛፎችን ከነሥራቸው እንዲነቅልና ከባድ እንጨቶችን በቀላሉ እንዲሸከም ያስችለዋል። ይሁን እንጂ ይህ ጉልበቱ ብቻ ሳይሆን፣ ስንጥቁ እንደ አንዲት ቅንጣት ኦቾሎኒ ወይም ሣር ያሉ ጥቃቅን ነገሮችን ሳያደቅ ወይም ሳይሰብር ለቅሞ የማንሳት ረቂቅ ብቃት አለው ነው የተባለው።
 
ከጉልበትና ከጥንቃቄው ባሻገር፣ ይህ ስንጥቅ ለዝሆኖች ለብዙ ነገሮች ያገለግላል። ለመተንፈስ፣ ለማሽተት፣ ውኃ ለመጠጣት፣ እንዲሁም እርስ በርስ ፍቅርን ለመግለጽ የሚጠቀሙበት ዋነኛው አካላቸው መሆኑ ተመላክቷል።
 
ዝሆኖች ስንጥቃቸውን እንደ ጠንካራ ማሽን እና እንደ ስስ የሰው ልጅ እጅ በተመሳሳይ ጊዜ እንዲጠቀሙበት የሚያደርገው ይህ የተፈጥሮ ምስጢር፣ ዛሬም ድረስ የሳይንስ ተመራማሪዎችን እያስደነቀ ይገኛል።
 
__

ሀሳብ እና’ሳ’ፍራለን