ሳፋሪኮም ኢትዮጵያ በሃገር አቀፍ ደረጃ ያለውን የአገልግሎት ሽፋን እንዲሁም የሚሰራቸውን የማህበራዊ አገልግሎት የህዝብ ተወካዮች ም/ቤት የዲሞክራሲ ጉዳዮች ቋሚ ኮሚቴ በተገኙበት ግምገማ አካሄደ

ድርጀቱ በሃገር አቀፍ ደረጃ የቴሌኮም አገልግሎትን ለማሳለጥ እየሰራ እንደሆነና በማህበራዊ አገልግሎቶች ላይ የሚሰራቸውን ነገሮች ለቋሚ ኮሚቴው ያስረዳ ሲሆን በመንግስት በኩል ሊመቻቹ የሚገቡ የድጋፍ አይቶችንም በመለየት በቋሚ ኮሚቴው በኩልም ምላሽ ተሰቶባቸዋል፡፡

በውይይት መድረኩ ላይም የድርጅቱ የምክር ቤት አባላት የተገኙ ሲሆን አገልግሎቱን የበለጠ ለማሳለጥና የቴሌኮም አገልግሎቱ ተደራሽ የማያደርጋቸውን ቦታዎች ተደራሽ ለማድረግም በመንግስት በኩል መመቻቸት ያለባቸው ነገሮች እንዲመቻቹም ቋሚ ኮሚቴውን ጠይቀዋል፡፡

የሳፋሪኮም አገልግሎት የቴሌኮሙ ተደራሽ የማያደርጋቸውን ቦታዎች ተደራሽ በማድረግ እንዲሁም ለተማሪዎች፤ ለአቅመ ደካሞችና ለተለያዩ የማህበረሰብ ክፍሎች ማህበራዊ ግልጋሎቶችን በማድረግ ሃላፊነቱን እንደሚወጣ በሳፋሪኮም ኢትዮጵያ የውጭ ግንኙነት ዋና ሃላፊው ዶ/ር አንዱዓለም አድማሴ ገልጸዋል፡፡

የውጭ ሃገራት ድርጅቶች እንደ ውጭ ባንክ፤ ሳፋሪኮም እና ሌሎችም ወደ ሃገራችን መግባታቸው፤ የውጭ ምንዛሬውን፤ የእርሻና የትምህርት እንዲሁም በሌላው ዘርፍም ቢሆን ፋይዳ እንዳላቸው የሚገልጹት በህዝብ ተወካዮች ምክር ቤት የዲሞክራሲ ጉዳዮች ቋሚ ኮሚቴ ምክትል ሰብሳቢ አቶ አዝመራው እንደሞ፤ በቀጣይ አመታትም ከሳፋሪኮም ጋር በመደጋገፍና የሚያስፈልጉ ነገሮችን ሁሉ በማሟላት የኔትዎርክ አገልግሎቱን 100 ፐርሰንት ተደራሽ ለማድረግ እንደሚሰራ ገልጸዋል፡፡

በቴሌኮሙ ዘርፍ አመርቂ ስራን ለመስራት ከሳፋሪኮም ጋር በመተባበርና በጋራ በመሆን እንደሚሰራ እንዲሁም 3ኛውን የቴሌኮም አገልግሎትንም በማስገባት ማህበረሰቡን ተደራሽ ለማድረግ እንደሚሰራ ተመላክቷል፡፡

__

ሀሳብ እና’ሳ’ፍራለን

መናኸሪያ ሬዲዮ 99.1

ሃሳብ፣አስተያየት እና ጥቆማ ለመስጠት የሚከተሉትን የስቱዲዮ ስልኮቻችን ይጠቀሙ

👉011-639-28-52
👉011-639-37-63

የቀጥታ ስርጭት  👉 📻 (https://worldradiomap.com/et/play/menaharia) radio 99.1 (https://stream.zeno.fm/yw8poig9iwtuv)

✅ Telegram (https://t.me/menaharia_fm)

ትክክለኛውን የመናኸሪያ ሬዲዮ የዩቱዩብ አድራሻ በመቀላቀል ቤተሰብ ይሁኑ
➲  Youtube (https://www.youtube.com/channel/UC8uROsU69D8Ob65XapeHvIw)