“የማይበገረው የማር አዳኝ”፤ የንቦችን ጥቃት የሚቋቋመው እንስሳ

ታህሳስ 14 ቀን 2018(መናኸሪያ ሬዲዮ) በዱር እንስሳት ዓለም ውስጥ እጅግ ደፋር እንደሆነ የሚነገርለት ሜርካ (Honey Badger)፣ በሺዎች የሚቆጠሩ የንቦችን መንጋ ተቋቁሞ የንብ ቀፎዎችን እንዴት መስበር እንደሚችል የሚያሳዩ ሳይንሳዊ መረጃዎች ይፋ ሆነዋል።

እንስሳው ለንቦች መውጊያ የማይበገረው በሦስት ዋና ዋና ተፈጥሮአዊ ምክንያቶች እንደሆነ ተመልክቷል። የመጀመሪያው ወፍራም፣ ጥቅጥቅ ያለ ፀጉር ያለውና ከስጋው ጋር ያልተጣበቀ (loose) ቆዳ ያለው መሆኑ ሲሆን፤ ይህም የንቦች መውጊያ ወደ ውስጠኛው የሰውነት ክፍል እንዳይዘልቅና ጉዳት እንዳያደርስ ይከላከላል።

ከዚህም በተጨማሪ ሜርካ እጅግ ከፍተኛ የሆነ የሕመም መቋቋም አቅም ያለው በመሆኑ፣ ንቦች በብዛት ወርረው በሚነድፉት ወቅትም ቢሆን ያለምንም መሸበር የንብ ቀፎውን በጠንካራ ጥፍሮቹ በመቧጠጥና በመስበር ማሩን መመገብ እንደሚቀጥል ተገልጿል።

ይህ ፍጥረት ከንቦች ጥቃት በተጨማሪ፣ ገዳይ የሆኑ የእባብ መርዞችን የመቋቋም አስደናቂ ብቃት እንዳለውም ይነገራል። እነዚህ ተፈጥሮአዊ ጸጋዎች ሜርካን በዱር እንስሳት ዓለም ውስጥ “የማይፈራና የማይበገር” የሚል ስያሜ እንዲያገኝ አስችለውታል።