ሕዳር 15 ቀን 2018(መናኸሪያ ሬዲዮ)በደቡብ ኮሪያ፣ በታዋቂው የቴሌግራም መተግበሪያ ላይ የጾታ ወንጀል ድርጊቶችን ሲያደራጅ የነበረው የወንጀል ቡድን መሪ የዕድሜ ልክ እስራት እንደተፈረደበት የሀገሪቱ ፍርድ ቤት አስታወቀ። ፍርድ ቤቱ ይህን የከፋ ቅጣት የወሰነው በወንጀሎቹ ክብደት እና በደረሰው ጉዳት መጠን ላይ በመመርኮዝ ነው።

የወንጀል ቡድኑ መሪ እና አባላት ከ2020 እስከ 2025 ባሉት ዓመታት ውስጥ በድምሩ 261 ሰዎችን ለወሲባዊ ጥቃት እንደዳረጉ ዘገባዎች ያመለክታሉ። በጥቃቱ ከተጎዱት ሰዎች መካከል ሕጻናት እና ታዳጊዎች ይገኙበታል። በዲጂታል መድረኮች ላይ በተደራጀው በዚህ አደገኛ የወንጀል መረብ የተነሳ በርካታ ግለሰቦች ለከፍተኛ የሥነ-ልቦና እና አካላዊ ጉዳት ተዳርገዋል።

ይህ ክስ በደቡብ ኮሪያ ውስጥ በሳይበር የወሲብ ወንጀሎች ላይ የህዝብ ትኩረት እንዲጨምር አድርጓል። ፍርድ ቤቱ በዋናው ተጠርጣሪ ላይ የወሰነው የዕድሜ ልክ እስራት፣ የቴሌግራምን የመሰሉ መድረኮችን ለወንጀል ተግባር የሚጠቀሙ ግለሰቦች ላይ ጠንካራ የማስጠንቀቂያ መልዕክት የሚያስተላልፍ መሆኑ ተጠቁሟል።

የቴሌግራም ቻናላችን ይቀላቀሉ 👉 https://t.me/menaharia_fm

__

ሀሳብ እና’ሳ’ፍራለን 📞

👉011-639-28-52
👉011-639-37-63 (https://stream.zeno.fm/yw8poig9iwtuv)