የታሪካዊው የበሬ ፍልሚያ አመጽ ታገደ

ጥቅምት 25 ቀን 2018(መናኸሪያ ሬዲዮ)በሜክሲኮ ከተማ የሕግ አውጪዎች ባሳለፉት ታሪካዊ ውሳኔ፣ ለ500 ዓመታት ያህል የዘለቀውና በሬዎችን የሚጎዳውና የሚገድለው የባህላዊ የበሬ ፍልሚያ (Bullfighting) ዓይነት ታግዷል። ይህ ሕግ የከተማዋን መዝናኛ ከእንስሳት ደኅንነት ጋር በተያያዘ ትልቅ ለውጥ የሚያደርግ ነው ተብሏል።

የከተማዋ ሕግ አውጪዎች አዲሱን የዕገዳ ሕግ በ61 ድምፅ ሲደግፉ በአንድ ድምፅ ብቻ ተቃውሞ ገጥሞታል። ሕጉ የበሬ ፍልሚያ በሚደረግበት ጊዜ ሹል መሣሪያዎችን መጠቀም እና በሬዎችን መጉዳት ሙሉ በሙሉ ይከለክላል። በተጨማሪም፣ በሬዎች በፍልሚያው አደባባይ ውስጥ የሚቆዩበት የጊዜ ርዝመት የተገደበ ይሆናል። ይህ ውሳኔ በዓለም ላይ ትልቁ የሆነውንና በከተማዋ የሚገኘውን ፕላዛ ሜክሲኮ (Plaza México) የተባለውን የበሬ ፍልሚያ ማዕከልም ይመለከታል።

እገዳው ባህላዊውንና ደም የሚያፈሰውን የበሬ ፍልሚያ ዓይነት የሚመለከት እንጂ፣ በሬዎች የማይጎዱበት “ደም አልባ” (Bloodless) የሆነው የበሬ ፍልሚያ ሙሉ በሙሉ አልታገደም። የዚህ ዓይነቱ ፍልሚያ መቀጠል የሚችለው እንስሳትን ከመጉዳት የፀዳ እስከሆነ ድረስ ነው።

የእንስሳት መብት ተሟጋች ቡድኖች ይህንን ሕግ “ወደ ሰብዓዊ መዝናኛ የተወሰደ ታሪካዊ እርምጃ” በማለት በደስታ ተቀብለውታል። በሌላ በኩል፣ የባህላዊ የበሬ ፍልሚያ ደጋፊዎች ይህንን ውሳኔ “የባህል ቅርስ መጥፋት” እና ለዘመናት የዘለቀ ትውፊትን ማቆም እንደሆነ በመቁጠር ተቃውመዋል።

የሜክሲኮ ከተማ ይህ እርምጃ በአገሪቱ ውስጥ ባሉ ሌሎች ከተሞችም ተመሳሳይ የእንስሳት ደኅንነት ተሃድሶ እንዲመጣ መነሳሳትን ይፈጥራል ተብሎ ይጠበቃል።

__

ሀሳብ እና’ሳ’ፍራለን 📞

👉011-639-28-52
👉011-639-37-63
(https://stream.zeno.fm/yw8poig9iwtuv)