የስፔን ጠቅላይ ሚኒስትር የእስራኤል አትሌቶች ከዓለም አቀፍ ውድድሮች እንዲታገዱ ጠየቁ

መስከረም 06 ቀን 2018 (መናኸሪያ ሬዲዮ)የስፔን ጠቅላይ ሚኒስትር ፔድሮ ሳንቼዝ፣ በእስራኤል አትሌቶች ላይ የዓለም አቀፍ እገዳ እንዲጣል ጥሪ ማቅረባቸው ተገለጸ። ይህ ጥሪ የመጣው በቅርቡ በተካሄደው “ላ ቩኤልታ ኤ እስፓኛ” (La Vuelta a España) የብስክሌት ውድድር ላይ በእስራኤል ቡድን ተሳትፎ ምክንያት በተፈጠረው ውዝግብና ሁከት ሳቢያ ነው።

የ“ላ ቩኤልታ” ውድድር የመጨረሻው ምዕራፍ በዋና ከተማ ማድሪድ ሲካሄድ፣ ፍልስጤምን የሚደግፉ ሰልፈኞች የእስራኤልን “ፕሪሚየር ቴክ” የተባለ የብስክሌት ቡድን ተሳትፎ በመቃወም የመንገድ ላይ ሁከት ፈጥረው ነበር። ሰልፈኞቹ መኪና መንገድ ላይ እንቅፋት በመወርወር እና ከፖሊስ ጋር በመጋጨታቸው ውድድሩ ተቋርጦ አትሌቶቹ ወደ መድረሻቸው በመኪና እንዲሄዱ ተደርጓል።

ጠቅላይ ሚኒስትር ሳንቼዝ በሰጡት መግለጫ ላይ፣ “ስፖርት ድርጅቶች እስራኤል በዓለም አቀፍ ውድድሮች መሳተፏ ሥነ ምግባራዊ ነው ወይ? ብለው ሊጠይቁ ይገባል” ብለዋል። “ሩሲያ በዩክሬን ላይ በሰነዘረችው ጥቃት ከውድድሮች እንደታገደች ሁሉ፣ እስራኤልም በጋዛ ባደረሰችው የጭካኔ ድርጊት መታገድ አለባት” ሲሉ አክለዋል።

ይህ የሳንቼዝ መግለጫ እስራኤል “ጋዛን እስከምትወር ድረስ” ከሩሲያ ጋር በመሆን በዓለም አቀፍ የስፖርት ውድድሮች ላይ እንዳትሳተፍ ጥሪ ለማቅረብ ያለመ ነው ተብሏል።

የስፔን ጠቅላይ ሚኒስትር በዚህ መግለጫቸው ከሰጡት አቋም በተጨማሪ፣ ውድድሩን ያደራጁት አካላት እና አንዳንድ ፖለቲከኞች የተቃውሞ ሰልፎቹን አውግዘዋል። “የብስክሌት ውድድሩን ማደናቀፍ የለብንም” ሲሉ ማሳሰቢያ ሰጥተዋል።

የእስራኤል የውጭ ጉዳይ ሚኒስትር ደግሞ የሳንቼዝን መግለጫ በመቃወም፣ “ይህ ፀረ-ሴማዊነት እና ውሸት ነው” ሲሉ በንዴት ምላሽ ሰጥተዋል።

የቴሌግራም ቻናላችን ይቀላቀሉ 👉 https://t.me/menaharia_fm

__

ሀሳብ እና’ሳ’ፍራለን 📞

👉011-639-28-52
👉011-639-37-63
(https://stream.zeno.fm/yw8poig9iwtuv)
የቀጥታ ስርጭት 🔊 👉  https://zeno.fm/radio/menahria-99-1-3pw1/ (https://stream.zeno.fm/yw8poig9iwtuv)