ቁራዎች የሰውን ፊት መለየትና ለረጅም ጊዜ መበቀል እንደሚችሉ የሳይንስ ጥናት አረጋገጠ

ነሐሴ 20 ቀን 2017(መናኸሪያ ሬዲዮ)ቁራዎች የሰዎችን ፊት ለዓመታት ማስታወስ እና መበቀል (ቂም መያዝ) እንደሚችሉ ሳይንሳዊ ጥናቶች አረጋግጠዋል። ይህ ግኝት የእነዚህን አእዋፎች ከፍተኛ የማሰብ ችሎታ የሚያሳይ ነው ተብሏል።

በዋሽንግተን ዩኒቨርሲቲ የተካሄደ አንድ ታዋቂ ጥናት እንዳረጋገጠው፣ ሳይንቲስቶች ከዚህ ቀደም የያዟቸውን እና ምልክት ያደረጉባቸውን ሰዎች ፊት ቁራዎች በቀላሉ መለየት ችለዋል ነው የተባለው። እነዚህ ቁራዎች፣ በኋላ ላይ እነዚህን ሰዎች ሲያዩ፣ ሌላ ሰው በሚለብሰው ልብስ ወይም ጭምብል እንኳን ቢደብቁ፣ ፊታቸውን በመለየት በከፍተኛ ድምጽ ያማርራሉ እንዲሁም ይጮሃሉ ተብሏል።

ጥናቱ እንደሚያመለክተው፣ ይህ የመበቀል ባህሪ ለዓመታት የሚቆይ ሲሆን፣ አንድ ቁራ የተለየ ሰውን ሲያማርር ሌሎች ቁራዎች በስፍራው ባይኖሩም እንኳን ከሌሎች በመማር ያንን ሰው ለይተው እንዲበቀሉ ያስችላቸዋል ተብሏል።

ይህ የቁራዎች ባህሪ፣ የማስታወስ ችሎታቸው ምን ያህል ጠንካራ እንደሆነ እና ለሰው ልጆች ያላቸውን ግንኙነት እንዴት እንደሚገነቡ ያሳያል። ተመራማሪዎች ይህንን ባህሪ “ቂም መያዝ” ሲሉ የሚገልጹት ሲሆን፣ የእንስሳት ሳይንስ መስክ ውስጥ ትልቅ ግኝት እንደሆነ አድርገው ይቆጥሩታል ተብሏል።

በጌታሁን አስናቀ