“የእሳት ጭልፊት” ተብለው የተሰየሙት አእዋፍ

🔰የእሳት አደጋ መንስኤ ወይስ ብልህ አዳኞች?

ሰኔ 28 ቀን 2017(መናኸሪያ ሬዲዮ)”የእሳት ጭልፊት” ተብለው በሚጠሩ አዳኝ አእዋፍ ዙሪያ አስደናቂ እና አሳሳቢ ክስተት እየተዘገበ ነው። እነዚህ አዳኝ ወፎች የሚነዱ እንጨቶችን እና ፍም በማጓጓዝ የእሳት ቃጠሎን በማስፋፋት ተስተውለዋል።

ይህ ባህሪ ከአፈ ታሪክ የወጣ ቢመስልም፣ በሳይንቲስቶች እና በሀገር በቀል ማህበረሰቦች ለዘመናት ሲመዘገብ ቆይቷል። እንደ ጥቁር ካይት (Black Kite)፣ ዊስሊንግ ካይት (Whistling Kite) እና ቡናማ ጭልፊት (Brown Falcon) ያሉ ዝርያዎች ዋነኛ ተዋናዮች እንደሆኑ ተለይተዋል ነው የተባለው።

ታዛቢዎች እነዚህ ወፎች ወደተነሳ እሳት እየበረሩ የሚጨሱ ቅርንጫፎችን ከያዙ በኋላ ሌላ ቦታ በመጣል አዲስ እሳት ሲፈጥሩ ወይም ያለውን እሳት ያስፋፋሉ ነው የተባለው።

በተመራማሪዎች ዘንድ ያለው መሪ ንድፈ ሐሳብ ይህ የአደን ስልት እንደሆነ ነው። እሳት ሲስፋፋ ትናንሽ እንስሳት እንደ ነፍሳት፣ እንሽላሊቶች እና አይጦች ከመጠለያቸው ስለሚወጡ በቀላሉ አዳኞች ይሆናሉ ነው የተባለው።

እሳቱን በማስፋፋት “የእሳት ጭልፊት” ለራሳቸው ብዙ የአደን እድሎችን እየፈጠሩ ነው።ይህ በእንስሳት ዓለም ውስጥ አስደናቂ፣ ምንም እንኳን አጥፊ ቢሆንም፣ የመላመድ እና የማሰብ ችሎታ ማሳያ ነው ተብሏል።

ከወፎቹ እይታ አንጻር ብልህነት ቢሆንም፣ ይህ ባህሪ ከፍተኛ አንድምታ አለው ነው የተባለው።በተለይም በደረቅ የአየር ሁኔታ የሚባባሰው የዱር እሳት ሥነ-ምህዳሮችን ያወድማል፣ ቤቶችን ያወድማል እንዲሁም ህይወትን አደጋ ላይ ይጥላል። በእነዚህ ወፎች የሚከሰተው ተጨማሪ ስርጭት የእሳት መቆጣጠሪያ ጥረቶችን ያወሳስበዋል እና የአየር ንብረት ለውጥን ውጤቶች እየተቋቋሙ ባሉ ማህበረሰቦች ላይ ሌላ ፈተና ይጨምራል ነው የተባለው።

የጥበቃ ባለሙያዎች እና የእሳት አደጋ አያያዝ ባለሙያዎች ይህንን ክስተት ምን ያህል ጊዜ እንደሚከሰት እና የሚያስከትለውን ተጽዕኖ በቅርበት እያጠኑ ነው ተብሏል።

በጌታሁን አስናቀ

__

ሀሳብ እና’ሳ’ፍራለን

👉011-639-28-52
👉011-639-37-63