ኢትዮጵያ፣ ቅድሚያ በምትሰጠውና ባስቀመጠችው የአሥር ዓመታት እ.ኤ.አ. 2012 – 2022 የምጣኔ ሀብት ዕድገት መሠረት የኢትዮጵያ የኮንስትራክሽን ገበያ ዋጋ 67 ቢሊዮን ዶላር ይገመታል። ይህንን ዕቅድ በመደገፍም፣ የ2025ቱ የቢግ 5 ኮንስትራክት ኢትዮጵያ ትልቁ የግንባታ ዝግጅት ከሰኔ 19-21 በአዲስ አበባ ሚሊኒየም አዳራሽ እንደሚካሄድ ተገልጿል።
በከተማ ልማትና ኮንስትራክሽን ሚኒስቴር ሙሉ ድጋፍ እና ዕውቅና ያለው ይህ ዝግጅት፣ ዓለም አቀፍ ኩባንያዎችን ከሀገር ውስጥ ተቋማት ጋር በማገናኘት ለንግድ ትስስር እና ትብብር ቁልፍ መድረክ ሆኖ ያገለግላል።
ቢግ 5 ኮንስትራክት ኢትዮጵያ ከምሥራቅ አፍሪካ መሠረተ ልማት እና የውኃ ኤክስፖ ጋር በመተባበርም፣ የመንግሥት ተወካዮችን፣ የፍጆታ አገልግሎት ሰጪዎችን፣ ተቆጣጣሪዎች እና የሕዝብ ፕሮጀክቶት ባለቤቶችን በማሳተፍ የዝግጅቱን ተደራሽነት ያሰፋል። ይህ የተስፋፋ እና በርካቶችን ያማከለ ዝግጅት፣ የአካባቢያዊ ትብብርን በመማጠናከር በምሥራቅ አፍሪካ ያሉ ወሳኝ የመሠረተ ልማት ዝርጋታዎችን ይደግፋል።
ይህ ዝግጅት ኢትዮጵያ ውስጥ ይበልጥ ስኬታማ የሆነው፣ ኢትዮጵያ በትራንስፖርት፣ በውኃ፣ በሀይል አቅርቦት እና በአይሲቲ የትራንስፎርሜሽን ፕሮጀክቶች ላይ ከየትኛውም ጊዜ በላይ በአሁኑ ሰዓት ኢንቨስትመንትን በማፋጠን ላይ በመሆኗ ነው።
የታላቁ የኢትዮጵያ ህዳሴ ግድብ፣ የመሶብ ታወር ፣ የኤርፖርት ማስፋፊያዎችና የፍጥነት መንገዶች ዋና ዋና ፕሮጀክቶች በሀገሪቱ ከተከናወኑት ሜጋ ፕሮጀክቶችና የዘመናዊነት ውጥኖች መካከል ጥቂቶቹ ማሳያዎች ናቸው። ከመኖሪያ ቤቶች እስከ ትልልቅ ሎጅስቲክስ ማዕከላት ግንባታ፣ የ1.5 ቢሊዮን ዶላር የከተማ መልሶ ማልማት እና የ7.8 ቢሊዮን ዶላር ዕቅድ የተያዘለት የአቡሴራ ዓለም አቀፍ አውሮፕላን ማረፊያን ጨምሮ የኢትዮጵያ የሜጋ ፕሮጀክቶች፣ የግንባታ ኩባንያዎችን፣ የቁሳቁስ አቅራቢዎችን እና የቴክኖሎጂ አቅራቢዎችን ትኩረት እየሳበ ነው።
“የምሥራቅ አፍሪካ መሠረተ ልማት እና የውኃ ኤክስፖ ከቢግ 5 ኮንስትራክት ጎን ለጎን መጀመሩ የኢትዮጵያን የልማት ራዕይ የሚደግፍ እና የልምድ፣ የቴክኖሎጂ እና የኢንቨስትመንት ልውውጥ እንዲኖር ዕድሉን የሚያመቻች ነው፡፡” ሲሉ በዲኤምጂ ኢቬንትስ(dmg events) የግንባታ ከፍተኛ ምክትል ፕሬዝዳንት የሆኑት ጆሴይን ሄይማንስ ተናግረዋል።
አክለውም፣ “በአሁኑ ወቅት 395 ቢሊዮን ዶላር የሚገመተው የኢትዮጵያ የመሠረተ ልማት ገበያ ከፍ ያለ ዐቅም ያለው በመሆኑ፣ በእነዚህ ዝግጅቶች ኣማካኝነት ዓለም አቀፋዊ ኩባንያዎችን በመሳብ ከኢትዮጵያ እና ምሥራቅ አፍሪካ ባለድርሻ አካላት ጋር ስትራቴጂካዊ አጋርነት እንዲፈጥሩ ያስችላቸዋል።
ኤግዚቢሽኑ፣ ጎብኚዎች ከ230 በላይ የኢግዚቢሽን አቅራቢዎች ጋር እንዲገናኙ እድል የሚሰጥ ሲሆን ዓለም አቀፍ እና የሀገር ውስጥ ታላላቅ ተቋማት ምርት እና አገልግሎትን ጨምሮ ከፍተኛ ጥራት ያላቸውን ምርቶች፣ ቁሳቁሶች እና ቴክኖሎጂዎች በኢትዮጵያ እያደገ ላለው የግንባታ እና የመሠረተ ልማት ፍላጎት ለማቅረብ ሁነኛ መድረክ ሆኖ ያገለግላል። እንደምሳሌ ለመጥቀስ ያህልም በጥራታቸው እና በአስተማማኝነታቸው የሚታወቁት ጆቱን(Jotun) እና ኤዥያን ፔንት (Asian Paint) ፣ በእሳት አደጋ መከላከያ መሣሪያዎች አቅርቦቱ እና በደህንነት ሲስተሙ የሚታወቀው ናፍኮ (NAFFCO)፣ የውስጥ የግንባታ ምርቶች አምራች እና አቅራቢ የሆነው ዩኤስጂ (USG)፣ የኤሜሬትስ ናሽናል የመዳብ ፋብሪካ (Emirates National Copper Factory) እና ቀልጣፋ የስካፎልዲንግ እና የቅርጽ ሥራዎችን በመሥራት የሚታወቀው ስካፎ (SCAFFCO) በፕሮግራሙ ላይ ተሳታፊዎች ናቸው፡፡
ዝግጅቱ እንደ ፊሊፕስ ወይም በአዲሱ ስሙ ሲግኒፋይ (Philips Lighting) ከፍተኛ ጥራት ባለው፣ ኃይል ቆጣቢ የብርሃን መሣሪያ አምራች፣ በግንባታ እቃዎች አቅራቢነታቸው የሚታወቁት ቶሙሰን ኢንደስትሪስ(Thomsun Industries) ፣ ጥራት ያላቸው የውኃ መከላከያ እና የጣሪያ ምርቶች አቅርቦታቸው የሚታወቁ ቢቱማት(Bitumat) ያሉ ድርጅቶችንም በዘርፉ እያደገ የመጣውን ፍላጎት አጥጋቢ በሆነ መልኩ ለመመለስ፣ ለመጀመሪያ ጊዜ በኤግዚቢሽኑ ላይ ያሳትፋሉ፡፡
ከጀርመን፣ ከቱርክ፣ ከቻይና፣ ከጣሊያን እና ከህንድ የተውጣጡ ኢግዚቢሽን አቅራቢዎች እና ሌሎችም በገበያው ላይ ዓለም አቀፋዊው ፍላጎት እየጨመረ መምጣቱን ያሳያሉ።
በቢግ 5 ኮንስትራክት ኢትዮጵያ አማካኝነት፣ እንደ ኤምኢፒ(MEP) ያሉ አገልግሎቶች፣ የግንባታ እቃዎች፣ የግንባታ መሳሪያዎች እና የግል ደኅንነት መሣሪያዎች፣ ከባድ የግንባታ እቃዎች፣ ዲጂታል ኮንስትራክሽን እና ሌሎችም በአንድነት በአንድ መድረክ ላይ ይቀርባሉ። ይህ በእንዲህ እንዳለ የምሥራቅ አፍሪካ መሠረተ ልማት እና የውኃ ኤክስፖ በስማርት ከተሞች፣ በቆሻሻ እና በውኃ አስተዳደርና አያያዝ፣ በኃይል እና በኮሙኒኬሽን መሠረተ ልማት ላይ አቅጣጫዎችን ያሳያል።
ቢግ 5 ኢትዮጵያ እና የምሥራቅ አፍሪካ መሠረተ ልማት እና የውኃ ኤክስፖ በተዘጋጀው ኢግዚቢሽን ላይ፣ የሲፒዲ ሰርተፍኬት ያላቸው እና በተግባራዊ ክፍለ ጊዜዎች እና ቅድሚያ በሚሰጣቸው የገበያው ፍላጎቶች ላይ ያተኮሩ፣ ጠቃሚ ዕድሎችን በመስጠት ለመማር፣ ከውሳኔ ሰጪዎች ጋር ለመገናኘት እና ከመንግስት አካላት እና የኢንዱስትሪ መሪዎች ጋር ለመገናኘት ምቹ የሆኑ ንግግሮች እና ውይይቶች ይካሄዳሉ። ቢግ 5 ቶክስ (ንግግሮች)፣ በሥነ ሕንፃ እና ዲዛይን፣ በፕሮጀክት አስተዳደር፣ በቴክኖሎጂ እና በዘላቂ የግንባታ እቃዎች ላይ ትኩረታቸውን ያደርጋሉ። አዲስ ጭብጥ ያላቸው “ኢንፍራ360” እና “ወተር360” የተሰኙና ለምሥራቅ አፍሪካ መሠረተ ልማት እና የውኃ ተግዳሮቶች፣ ከስማርት ሲስተሞች እና ከሕዝባዊ-የግል ሽርክናዎች (PPP) እስከ ሃብት ቆጣቢ ቴክኖሎጂዎች ብሎም ከተማን መልሶ መገንባት የሚያስችሉ ተግባራዊ መፍትሔዎችም ይዳሠሣሉ።
የምሥራቅ አፍሪካ መሠረተ ልማት እና የውኃ ጉባኤ፣ ፖሊሲ አውጪዎችን፣ የፕሮጀክት ባለቤቶችን እና የቴክኒክ ባለሙያዎችን በመሰብሰብ ለቀጣናው ልዩ ስልቶችን እና የመሠረተ ልማት ዝርጋታ መንገዶችን ከነዕቅዳቸው በመመርመር ስኬታማ መንገድን ይቀይሳል። “በመላው ኢትዮጵያ እና ሰፊው የምሥራቅ አፍሪካ አካባቢ እየታየ ያለው የከተማ መስፋፋት አዲስ የንግድ እድሎችን በሚያስደንቅ ፍጥነት እየፈጠረ ነው። ቢግ 5 ኢትዮጵያ፣ ከምሥራቅ አፍሪካ መሠረተ ልማት እና የውኃ ኤክስፖ ጎን ለጎን ይህንን እድገት በመደገፍ የማፋጠን ተግባርን ያከናውናሉ” ሲሉ ሄይማንስ በጋዜጣዊ መግለጫው ወቅት ተናግረዋል።
ከ18 ዓመት በላይ የሆኑ የኢንዱስትሪ ባለሙያዎች ዝግጅቱ ላይ በነፃ መሳተፍ የሚችሉ ሲሆን ለመመዝገብ ድረ ገጻችንን www.big5constructethiopia.com እና www.eastafricainfrastructureexpo.com ይጎብኙ፡፡
ቢግ 5 ኮንስትራክት ኢትዮጵያ በኮንስትራክሽን ኢንዱስትሪው ዘርፍ የሀገር ውስጥና የውጭ ኩባንያዎችን በጋራ የሚያገናኝና የምርት እና አገልግሎቶችን፣ ፈጠራን፣ ልምድንና እውቀትን ለኢትዮጵያ የኮንስትራክሽን ኢንዱስትሪ ለማሳየት ትልቁን መድረክ የሚያመቻች ዝግጅት ነው።
የቢግ 5 በዓለም ዙሪያ ትልልቅ የግንባታ ክንውኖች አካል የሆነው ቢግ 5 ኮንስትራክት ኢትዮጵያ በአዲስ አበባ ከሰኔ 19 – 21 ቀን 2017ዓ.ም. ድረስ ሊካሄድ ነው። ዝግጅቱ የኢንዱስትሪ ባለሙያዎችን በነጻ ያሳትፋል፡፡
ለተጨማሪ መረጃ: www.big5constructethiopia.com
ምላሽ ይስጡ