ታኅሳስ 18 ቀን 2017(መናኸሪያ ሬዲዮ) በዚህ ዓመት ወደ ስፔን ለመድረስ ሲሞክሩ ከፍተኛ ቁጥር ያላቸው ስደተኞች ሞተዋል ነዉ የተባለዉ ።
በ2024 ከ10 ሺህ በላይ ስደተኞች በባህር ላይ ወደ ስፔን ለመድረስ ሲሞክሩ መሞታቸውን የስፔን የስደተኞች መብት ተሟጋች ቡድን ያወጣው ዘገባ አመልክቷል።
በአማካይ ይህ ማለት በዚህ አመት በየቀኑ 30 ስደተኞች በጀልባ ባህር ሲያቋርጡ ህይወታቸው ማለፉን ያሳያል።
መንግስታዊ ያልሆነው ካሚናዶ ፍሮንቴራስ የተሰኘዉ ግብረሰናይ ድርጅት ትላንት መረጃዉን ይፋ ማድረጉን አልጀዚራ ዘግቧል።
አጠቃላይ ሞት ካለፈው ዓመት ጋር ሲነጻጸር በ58 በመቶ ከፍ ማለቱን ዘገባው አክሎ ገልጿል።
እ.ኤ.አ. በ2024 በ10ሺሕዎች የሚቆጠሩ ፍልሰተኞች ምዕራብ አፍሪካን ለቀው ወደ ካናሪ ደሴቶች መሄዳቸዉንም መረጃዉ አክሏል ።
እንደ ድርጅቱ ዘገባ ከሆነ እስከ ታኅሣሥ 15 ድረስ ከተመዘገቡት 10 ሺህ 457 ሞት አብዛኞቹ የተከሰቱት የአትላንቲክ መንገድ ተብሎ በሚጠራው ቦታ ላይ መሆኑን ገልጿል።
ድርጅቱ የስደተኞች ቤተሰቦችን እና ይፋዊ የስደተኞች ስታቲስቲክስን አጠናቅሮ ማቅረቡን ገልጿል።
ከሟቾች መካከል 1 ሺህ 538 ህጻናት እና 421 ሴቶች ይገኙበታል። ኤፕሪል እና ሜይ ለስደተኞች በጣም ገዳይ ወራቶች ናቸው ብሏል ዘገባው።
አቅም የሌላቸዉ ጀልባዎችን መጠቀም እና አደገኛ መንገዶችን እንዲሁም የባህር ላይ የነፍስ አድን አገልግሎት በቂ አለመሆን ለሟቾች ቁጥር መንስኤ ነው ብሏል።
__
ሀሳብ እና’ሳ’ፍራለን
መናኸሪያ ሬዲዮ 99.1
ሃሳብ፣አስተያየት እና ጥቆማ ለመስጠት የሚከተሉትን የስቱዲዮ ስልኮቻችን ይጠቀሙ
👉011-639-28-52
👉011-639-37-63
የቀጥታ ስርጭት 👉 📻 (https://worldradiomap.com/et/play/menaharia) radio 99.1 (https://stream.zeno.fm/yw8poig9iwtuv)
✅ https://t.me/menaharia_fm
✅https://x.com/MenahriaFm99_1
ትክክለኛውን የመናኸሪያ ሬዲዮ የዩቱዩብ አድራሻ በመቀላቀል ቤተሰብ ይሁኑ
➲ Youtube (https://www.youtube.com/channel/UC8uROsU69D8Ob65XapeHvIw)
ምላሽ ይስጡ