ጀማል ሙሲያላ የጀርመን ብሄራዊ ቡድን የወንዶች ምርጡ ተጫዋች ተብሎ ተመርጧል

ታኅሳስ 04 ቀን 2017(መናኸሪያ ሬዲዮ) ለባየር ሙኒክ እየተጫወተ የሚገኘው ጀማል ሙሲያላ 56 በመቶ ድምጽ በማግኘት ነው የአመቱ ምርጥ የጀርመን ብሄራዊ ቡድን የወንዶች ተጫዋች በመባል የተመረጠው።

ሙሲያላ ከፍሎሪያን በርትዝ እና ካይ ሀቨርትዝ ብርቱ ፉክክር ቢገጥመውም በበላይነት አሸናፊ ተብሎ ተመርጧል። 145 ሺሕ ጀርመናዊያን ድምጽ ሰጥተውበታል። ታዲያ የሌቨርኩዝኑ ፍሎሪያን ቨርትዝ 38 በመቶ ድምፅ በማግኘት ሁለተኛ እንዲሁም የአርሰናሉ ካይ ሀቨርትዝ 6 በመቶ ድምፅ በማግኘት 3ኛ ደረጃን ይዞ አጠናቋል።

የ21 አመቱ ጀማል ሙሲያላ በ2024 የሀገሩ ኮኮብ ጎል አስቆጣሪ ሆኖ ነው ያጠናቀቀው። የዲዬ ማንሻፍት ቡድን ራሳቸው ባዘጋጁት እና እስከ ሩብ ፍፃሜው ድረስ በተጓዘው ቡድን ላይ ትልቅ አስተዋጽኦ እንደነበረው የሚታወስ ነው። የአውሮፓ ዋንጫው ምርጥ 11 ውስጥ ስሙን ማካተት መቻሉ የሚታወስ ነው። ሙሲያላ በ2024 ለጀርመን ብሄራዊ ቡድን 5 ጎል ሲያስቆጥር 5 ኳስ አመቻችቶ ማቀበል ችሏል።

ሙሲያላ በባየር ሙኒክ የሚያቆየው ውል እስከ 2026 ብቻ ነው የሚያቆየው ግን ክለቡ እስከ 2030 በክለቡ የሚያቆየውን አዲስ ኮንትራት እያዘጋጁ እንደሚገኙ ለማወቅ ተችሏል። እንደ ጀርመኑ ጋዜጣ BILD ዘገባ ከሆነ የጀርመኑ ሀያል ክለብ ለዚህ ተጫዋች የሚያቀርቡት የኮንትራት ውል በሙኒክ እግር ኳስ ክለብ ታሪክ ውስጥ ለተጫዋች ቀርቦም ታይቶም የማይታወቅ አይን አዋጅ የሆነ የኮንትራት ውል እንደሚያቀርቡለት ይጠበቃል ሲል ዘግቧል።
__

ሀሳብ እና’ሳ’ፍራለን

መናኸሪያ ሬዲዮ 99.1

ሃሳብ፣አስተያየት እና ጥቆማ ለመስጠት የሚከተሉትን የስቱዲዮ ስልኮቻችን ይጠቀሙ

👉011-639-28-52
👉011-639-37-63

የቀጥታ ስርጭት  👉 📻 (https://worldradiomap.com/et/play/menaharia) radio 99.1 (https://stream.zeno.fm/yw8poig9iwtuv)

✅ Telegram (https://t.me/menaharia_fm)

ትክክለኛውን የመናኸሪያ ሬዲዮ የዩቱዩብ አድራሻ በመቀላቀል ቤተሰብ ይሁኑ
➲  Youtube (https://www.youtube.com/channel/UC8uROsU69D8Ob65XapeHvIw)