በሀገር አቀፍ ደረጃ የመጀመሪያው የሆነው ብሄራዊ የተማሪዎች ሽልማት ሊካሄድ ነው

ታኅሳስ 02 ቀን 2017(መናኸሪያ ሬዲዮ)በሀገራችን የመጀመሪያው እና ብቸኛ የሆነው ሀገር አቀፍ የተማሪዎች ሽልማት ሊካሄድ መሆኑ ተገልጿል።

ይህን ሽልማት የሚያካሂደው የኢትዮጵያ ብሄራዊ የተማሪዎች ሽልማት የተባለ በሲቪል ማህበርሰብ ድርጅቶች አዋጅ የተቋቋመ ሃገር በቀል ድርጅት ነዉ፡፡

ድርጅቱ ከትምህርት ሚኒስቴር ጋር በመሆን እና በሳፋሪኮም ኢትዮጵያ አጋርነት የኢትዮጵያ ብሄራዊ የተማሪዎች ሽልማት አመታዊ ፕሮግራምን የሚያዘጋጅ መሆኑን ዛሬ በአዲስ አበባ ዩኒቨርሲቲ በሰጠው ጋዜጣዊ መግለጫ ተገልጿል።

የድርጅቱ ዋና ስራ አስኪያጅ አቶ ብንያም ጫኔ እንደሚገልጹት፤ በዚህ ሽልማት ላይ ለሃገራችን የትምህርት ልማት ሁለንተናዊነት፣ ጥራት፣ ተደራሽነትና ፍትሃዊነት የበኩላቸውን አስተዋጽኦ ያበረከቱ ግለሰቦችን፣ ለትውልድ ምሳሌ መሆን የሚችሉ ተቋማት፣ ድርጅቶችን ዕውቅናና ምስጋና ይሰጣል ብለዋል።

በዚህ የሽልማት ስነ-ስረዓት ላይ ለከፍተኛ ትምህርት ተቋማት መግቢያ ውጤት በሃገር አቀፍ ደረጃ ከፍተኛ ነጥብ ያመጡ ተማሪዎች በተለይም ከፍተኛ ነጥብ ያመጣች ሴት ተማሪ እና አካል ጉዳተኛ ተማሪዎችን በተጨማሪም ሙሉ በሙሉ ወደ ከፍተኛ ትምህርት ተቋማት ተማሪዎችን ያሳለፉ ትምህርት ቤቶችን ጨምሮ ከአጠቃላይ ትምህርት ቤቶች ምስጉን መምህራንን በእጩነት እንደሚያካትት አቶ ብንያም ገልጸዋል።

2ሺህ 500 እንግዶችን ጨምሮ ከፍተኛ የመንግስት ባለስልጣናት፣ የትምህርት ባለድርሻ አካላት፣ ታዋቂ ግለሰቦች በተገኙበት በአደዋ መታሰቢያ ሙዚየም ታህሳስ 26 2017 ዓ.ም ይካሄዳል ተብሏል።
__

ሀሳብ እና’ሳ’ፍራለን

መናኸሪያ ሬዲዮ 99.1

ሃሳብ፣አስተያየት እና ጥቆማ ለመስጠት የሚከተሉትን የስቱዲዮ ስልኮቻችን ይጠቀሙ

👉011-639-28-52
👉011-639-37-63

የቀጥታ ስርጭት  👉 📻 (https://worldradiomap.com/et/play/menaharia) radio 99.1 (https://stream.zeno.fm/yw8poig9iwtuv)

✅ Telegram (https://t.me/menaharia_fm)

ትክክለኛውን የመናኸሪያ ሬዲዮ የዩቱዩብ አድራሻ በመቀላቀል ቤተሰብ ይሁኑ
➲  Youtube (https://www.youtube.com/channel/UC8uROsU69D8Ob65XapeHvIw)